ЯҢАЛЫКЛАР


16
ноябрь 2019 ел.
шимбә

Атнаның һәр шимбәсе гимназия үзенең ишекләрен мәктәпкә әзерлек группалары өчен ача. Балаларны тәҗрибәле укытучылар Алсу Ясировна, Нурия Зиннуровна һәм Гөлсимә Биҗановна әзерли.

Кәүҗияк төп гомуми  белем бирү  мәктәбендә «Толерантлык – тынычлыкка  юл»дигән темага ачык  сыйныф  сәгате узды.  Чара башында  балалар «Тату гаилә» мәсәлен  тыңладылар, андагы  төп сүзләр – мәхәббәт, сабырлык, гафу итү, тынычлык  һәм  татулык  гаилә  законын  тәшкил итәләр. Бу исә  укучыларга  проблемаларны  тыныч  юл  белән  хәл  итә  белүнең  ни  өчен  мөһим  булуын аңларга  ярдәм  итте.

Татарстан  Республикасының Г.Тукай  исемендәге премия  лауреаты, Рәсәй Федерациясенең халык рәссамы Илдар  Касыйм улы Зариповның  тууына 80 яшь тулу уңаеннан МБГББУ  "Александровка төп  гомуми белем бирү мәктәбе"ндә төрле чаралар  үткәрелде.


15
ноябрь 2019 ел.
җомга

Изге җомга көнендә мәктәпнең татар теле укытучылары  7 нче сыйныф укучыларын туган ил, туган як турында сөйләшүгә чакырдылар. Шигъриятсез буламы соң?! Бистәбездә яшәүче юбиляр шагыйрә Рухия  Ахунҗанова иҗаты «Җәлилнефть» нефть  һәм газ чыгару идарәсе, бистә юбилейлары белән бергә бәйләнде. Чарада  мәгариф бүлеге методисты Г.Ф.Салихова, “Хезмәт даны” музее җитәкчесе А.Галиәхмәтова, бистә китапханәчесе С.Әкрамова, “Җәлил чаткылары” әдәби берләшмәсе әгъзасы Ә. Төхбәтуллин, “Ак калфак” оешмасы җитәкчесе Г.Гарипова катнашты һәм чыгыш ясады.

Бүген, 15 ноябрь көнне, “Сарман” кинотеатрында “Инсаф” тулы метражлы татар сәнгать фильмын күрсәтү узды. Фильм татар драматургы Рабита Батулланың «Кичер мине, әнкәй» әсәре буенча төшерелгән. Фильмны карагач, “Инсаф” нәфис фильм вәкилләре белән авыл иҗат яшьләре белән иҗади очрашу булды. Продюсер Наталья Топал оператор Михаил Соколов һәм актер Хидиатуллин Инсаф белән бергә фильм өстендә эшнең ничек баруы турында сөйләделәр, тамашачыларның күпсанлы сорауларына җавап бирделәр.

2019 елның 16 ноябренә
2019 елның 15 ноябре 18 сәгатьтән 16 ноябрь 18 сәгатькә кадәр

"Worldskills Russia" олимпиадасы кысаларында Эшче һөнәрләр белән танышу максатыннан, "Казан ЭКСПО" Халыкара күргәзмә үзәгенә Сарман урта мәктәбенең 10 сыйныф укучылары экскурсиясе.

Ләке төп гомуми белем бирү мәктәбенең 2-8 сыйныф укучылары "мәдәни марафон" Бөтенроссия мәдәни-агарту акциясе кысаларында тестны уңышлы узганнары өчен грамоталар алдылар.

Татарстан Республикасының Г.Тукай исемендәге премия лауреаты,

Россия Федерациясенең халык рәссамы

Илдар Касыйм улы Зариповның тууына 80 ел тулу уңаеннан

Ләке төп гомуми белем бирү мәктәбендә түбәндәге чаралар үткәрелде.

14 нче ноябрь көнне Иске Кәшер авыл мәдәният йортында районкүләм «Халкым җәүһәрләре» фольклор бәйгесенең чираттагы зона туры булып узды. Бәйгедә Яхшыбай, Урта Кәшер, Буралы Чишмә авыл клублары, Иске Кәшер, Күтәмәле, Мортыш-Тамак, Колмәт, Илексаз, Мортыш-Баш авыл мәдәният йортлары каршында эшләп килүче фольклор ансамбльләр катнашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования