Ел үрнәге
Бу мәкалә үз бизнесына акча салган хатын-кызга багышлана. Бүген актив иҗтимагый эшчәнлек алып бара. Ул - «Рапсодия» кафесы директоры Хөсәенова Венера Мәхмәт кызы. Ул «Ел хатын-кызы. Ел ир-аты: хатын – кыз карашы» номинациясендә «Хатын-кыз-ел үрнәге» номинациясендә уңышлы чыгыш ясады. Узган ел ул шул ук конкурста «Хатын – кыз-бизнес леди»номинациясендә җиңүче Дипломын алды. 2018 елның маенда «Нечкәбил» Республика ана булу матурлык һәм гаилә конкурсында катнашты, анда үз гаиләсен, казанышларын тәкъдим итте, үзенең гаилә тарихын, гореф-гадәтләрен сөйләде.
Инвалидлар декадасы кысаларында аның кафесында мөмкинлекләре чикле балалар һәм аз тәэмин ителгән гаиләләрдә тәрбияләнүче балалар өчен хәйрия мәдәни-күңел ачу чаралары оештырды, шуның белән бәйле рәвештә «Җәлил шәһәр тибындагы поселогы»муниципаль берәмлеге Башлыгының Рәхмәт хаты белән бүләкләнде. Ире Рөстәм Рәис улы белән өч бала тәрбияләп үстерәләр. Ә ял көннәрендә Венера Мәхмәт кызы-дүрт онык өчен яраткан һәм игелекле әби. Шул ук вакытта ул «Рапсодия»кафесын җитәкли.
Әлбәттә, һәр кешенең йөзлеген ата-аналар сала. Венера Мехметовнага кешелекле, кече һем өлкән буынга карата ихтирам хисләрен, безнең бистәдә хөрмәтле кешелер, әтисе Маһмет Айтмөхәммәт улы һем әнисе Галина Яковлевна салган. Кызганычка каршы, алар буген исән түгел.
Изге Вәли Көне алдыннан без Венера Мәхмәт кызына сәламәтлек, бетмәс-төкәнмәс энергия, барлык игелекле башлангычларда һәм өйдә уңышлар телибез!
В. М. Хөсәенованың шәхси архивыннан фотосурәт