18 июнь көнне Иске Кәшер урта мәктәбе каршындагы "Кояшкай мәктәп яны лагере укучылары «Илек» паркында сәламәтлек көне үткәрделәр.

"Эковесна-2024" республика конкурсы кысаларында Ләшәү-Тамак мәктәбе территориясендә экологик өмәләр уза.Әлеге акциядә мәктәпнең барлык хезмәткәрләре һәм 1-9 сыйныф укучылары катнаша.Территорияне чистарту буенча өмә үткәрү өчен территорияне генераль җыештыру чаралары планы төзелде, һәр сыйныфка участок беркетелде. Кирәкле инвентарь белән коралланып, балалар һәм педагоглар мәктәп территориясен тәртипкә китерәләр: чүп, яфраклар һәм үләннәр җыялар, агачлар һәм куакларның иске сботакларны кисеп алалар.Безнең мәктәптә өмә-ул территорияне төзекләндерү һәм чистарту чарасы гына түгел, укучылар һәм укытучылар коллективын тагын да ныграк берләштерү өчен искиткеч мөмкинлек тә. Сарман муниципаль районының «Агат» кибетенә мәктәп территориясен төзекләндерүдә күрсәткән ярдәме өчен зур рәхмәтебезне белдерәбез.  

"Форпост" үзәге активистлары "Онытырга ярамый" акциясенә кушылдылар, алар киләчәккә хатлар яздылар, аларда нацистларның җинаятьләренә карата шәхси позицияләрен белдерделәр,. Бердәм гамәлләр көнен үткәрү максаты булып Бөек Ватан сугышы елларында оккупацияләнгән территориядә нацистларның һәм аларның ярдәмчеләренең тыныч совет гражданнарына карата җинаятьләре турында тарихи хакыйкатьне саклау тора.

2024 елның 18 апрелендә Сарман район мәдәният йортында "Җырлы балачак илендә" XV район сәләтле балалар бәйгесенең дүртенче зона сайлап алу туры булып узды. Анда Сарман авылы "Кояшкай", "Сандугач", "Лилия", “Ләйсән” балалар бакчалары, гимназия, 1 нче Сарман гомуми белем бирү мәктәбе  укучылары, Илһам Шакиров исемендәге Сарман сәнгать мәктәбендә шөгыльләнүче балалар катнашты. Һәр бала үз композициясен тырышып башкарды: җырлады, биеде, сәнгатьле итеп шигырь сөйләде, музыка коралларында уйнады. Бәйге нәтиҗәләре буенча 25 апрельдә район мәдәният йортында - авыл җирлекләренең,  ә  26 апрельдә Сарман зонасында җиңүчеләрнең йомгаклау концерты узачак.

Әлмәт авыл җирлегендә су объектлары ярларын чүп-чардан чистарту буенча «Россия суы» Бөтенроссия акциясе кысаларында чаралар уздырылды.