Сарман муниципаль районындагы « Шәфкатъ » халыкка социаль хезмәт күрсәтү үзәгендә « Кайнатма көне »

2019 елның 19 июле, җомга

16 июль көнне социаль-тернәкләндерү бүлегендә  социаль хезмәт алучылар өчен « Кайнатма көне »  оештырылды. Чара әлеге тәм-том  барлыкка килү тарихы белән башланып китте һәм дегустация белән дәвам итте. Катнашучыларга кайнатманы татып карарга һәм нинди җиләк-җимештән кайнатылганын билгеләргә тәкъдим ителде. Соңыннан варенье кайнату серләре һәм рецептлары белән уртаклаштылар. Чара чәй өстәле артында тәмамланды.