Җәлил мәдәният йорты методисты Леонтьева Инна Игорь кызы-Татарстан Республикасында рус традицион мәдәниятен үстерү буенча Муниципаль проектлар һәм программалар конкурсында җиңүче.
Бүген Казан шәһәренең А.С. Пушкин исемендәге мәдәният үзәгендә Татарстан Республикасы Дәүләт Советы Рәисе Ф. Х. Мөхәммәтшин катнашында «Татарстан Республикасының Рус милли-мәдәни берләшмәсе» региональ иҗтимагый оешмасы идарәсенең киңәйтелгән утырышы узды.
Утырышта шулай ук «Татарстан Республикасының Рус милли-мәдәни берләшмәсе» төбәк иҗтимагый оешмасының Сарман бүлеге җитәкчесе - Җәлил мәдәният йорты методисты Леонтьева Инна Игорь кызы да катнашты. Ул «Гаилә – уйлар һәм эшләр бердәмлеге!» проекты өчен Татарстан Республикасында рус традицион мәдәниятен үстерү буенча Муниципаль проектлар һәм программалар республика конкурсында абсолют җиңүче исеменә лаек булды.
Шәһәр тибындагы Җәлил поселогы Советы һәм Башкарма комитеты Инна Игорьевнага киләчәктә дә иҗади уңышлар тели