Сарманда кандидатлар һәм сайлаучылар ярышты

Мәктәп укучылары "Батареяны тапшырыгыз - табигатьне саклагыз!" экологик акциясендә актив катнашалар.  Батареялар калдыкларның зарарлылыгы буенча беренче куркыныч класска карый. Аларны гадәти чүп кебек эшкәртеп булмый. Кулланылган батареялар алга таба куркынычсыз юк итү өчен махсус контейнерга урнаштырыла. Безнең көннәрдә  батареяләр киң таралган. Йортларда аларны бөтен җирдә дә очратырга мөмкин. Бары тик бер ташланган батарея 400 литр җир асты суларын һәм 20 квадрат метр җирне пычрата!!!  Әгәр дә пычратылган су кеше тарафыннан даими кулланылса, онкология авыруларына китерергә мөмкин. Безнең илдә күпләр моның турында уйламый. Акциягә мәктәпнең барлык укучылары да кушылды. Барлыгы 7 килограммнан артык батарея җыелган. Бу акциядә катнашып, балалар үзләре һәм тирә-юнь  турында кайгыртырга өйрәнәләр.

2023 елда Сарман муниципаль архивы Татарстан Республикасы муниципаль архивлары ярдәме алу өчен республика конкурсында җиңеп, мобиль стеллажлар алуга сертификат иясе булды. Шушы көннәрдә яңа мобиль стеллажларны урнаштыру тәмамланды. Яңа стеллажлар – ул 519 погон метр, аларда 41 меңнән артык эш урнаштырырга мөмкинлек! Хәзер безнең районның документаль тарихы дөрес, уңайлы һәм матур итеп сакланачак!

Бердәмлек, туганлык җепләрен саклау, үзеңнән соң иманлы, догалы балалар калдыру-иң мөһим бурычыбыз. 2024 ел Гаилә елы буларак билгеләп үтелә, Рамазан аеның соңгы көннәрендә үткәргән «Әниле-кызлы» ифтар мәҗлесендә районыбызда яшәүче ханымнар кызлары, әни-әбиләре, килен-кайнана белән күркәм чарада катнаштылар.

01.04.2024-05.04.2024 кадәр Татарстан Республикасының атказанган мәдәният хезмәткәре, Сарман муниципаль районының «М.Г. Юзлибаев исемендәге Җәлил балалар музыка мәктәбе» муниципаль бюджет өстәмә белем бирү учреждение директоры Лилия Акрамовна Дәүләтшина «Мәдәният өлкәсендә менеджер» максатчан программасының «Мәдәният» юнәлешендә 2023 елда «Татнефть» ААҖ грантларының өченче конкурсында җиңүче булган «ДМШның заманча директоры» проектын тормышка ашыру кысаларында көндезге өстәмә һөнәри программа буенча квалификация күтәрү курсларында «Балалар сәнгать мәктәбе. Заманча менеджмент технологияләре» Санкт-Петербург шәһәренең Төньяк башкала инновацион-белем бирү үзәге базасында укулар узды.