12 ноябрьдә Сарман Пенсия фонды идарәсендә Россия Пенсия фондының Татарстан Республикасы буенча бүлекчәсе идарәчесе ярдәмчесе Максим Иванов гражданнарны кабул итте

2015 елның 16 ноябре, дүшәмбе

Сарман халкына әлеге чара турында радио, сайт, клиентларны кабул итү кабинетларына эленгән белдерүләр аша алдан хәбәр ителгән иде.  

Гражданнар түбән пенсияләрне арттыру юлларын, ана капиталын 2016 елдан соң  кулланып булу-булмавын, ана капиталы акчалары белән кредитлар каплау, шәхси эшмәкәрләргә Пенсия фондына взнос күчерү өчен керем исәпләү тәртибен, Дәүләтнең пенсияне софинанслау Программасы буенча бер тапкыр бирелүче түләүләр тәртибен аңлатуны сорап мөрәҗәгать иттеләр.

Район халкы барлык сорауларга да төгәл һәм тулы җавап алды.

Әлеге чара  инде күптән Россия Пенсия фондының Татарстан Республикасы  бүлекчәсе тарафыннан ел саен үткәрелә.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International