ЯҢАЛЫКЛАР


19
август, 2022 ел
җомга

     18.08.2022 көнне Җәлил посёлогында М. Җәлил исемендщге бульварда «Культурная среда» проекты кысаларында балалар белән тагын бер иҗади очрашу узды. Җәлил балалар сәнгать мәктәбе укытучылары "Минем атларым" дип исемләнгән,  тукымадан һәм йон җепләреннән эшләнәчәк әйберләр буенча мастер класслар әзерләгәннәр. Балаларга һәрвакыт гади, катлаулы булмаган, ачык төстәге уенчыклар ошый. Мастер-класста ясаган ат нәкъ менә шушы сыйфатларга ия. Балалар үз куллары белән  эшләнмәләр ясап, фантазияләрен, фикерләүне үстерәләр. Алар үзләренә таныш булган, эмма гадәти булмаган үзенчәлекләрне күрә башлыйлар, алар мөһим күнекмәләр алалар, болар исә аларга проблемаларның стандарт булмаган чишелеш юлларын  табарга ярдәм итә. Моннан тыш, эшләнмәләр – иҗади хезмәткә беренче адым булып тора. Кул эшләре белән шөгыльләнгәндә,  балалар үз куллары белән нәрсә дә булса булдыра алуларын аңлыйлар, үз-үзләрен  продуктив эш белән тәэмин итүгә ияләшәләр. Вакыт узу белән алар мәктәп биремнәрен үтәүгә сабыр булырга һәм өйдәге эшләрне эшләүгә тыныч карый башлыйлар. Һәрвакыттагыча, балаларның яхшы мөгамәләсе, яңа белемнәр белән кызыксынулары безне сокландыра. Балалар бик шат иделәр, вакытларын алар менә дигән, файдалы итеп үткәрделәр!!!

                                                                                      Җәлил посёлогы башкарма комитеты

18нче август көнне М. Җәлил исемендәге бульварында Җәлил гимназия коллективы концерт программасы белән чыгыш ясады. Педагоглар, укучылар һәм гимназияне тәмамлаучылар чираттагы тапкыр үзләренең талантларын күрсәттеләр һәм алар чын-чынлап иҗади шәхес булуларын исбатладылар.

     Бүген Җәлил посёлогында  ел саен үткәрелә торган «Мәктәпкә җыенырга ярдәм ит» дигән хәйрия акциясе булып узды. Булачак беренче сыйныф укучыларын  Җәлил шәһәр тибындагы поселок муниципаль берәмлеге башлыгы Каримов Р.А һәм  «Единая Россия» партиясенең Сарман җирле бүлекчәсе башкарма сәркәтибе Сафина А.Ф. котладылар. ГД РФ депутаты Гаджиев Руслан Гаджи улы исеменнән булачак беренче сыйныф укучыларына барлык җиҺазлары белән мәктәп сумкалары тапшырылды.  

                Балаларның әти-әниләре күрсәтелгән игътибар өчен рәхмәт белдерделәр.

 

                                                                                     Җәлил посёлогы башкарма комитеты

Бүген район Башлыгы Фәрит Хөснуллин Татарстан Республикасы Президенты Р.Н. Миңнеханов катнашында мәгариф һәм фән хезмәткәрләренең республика август киңәшмәсендә катнаша.


18
август, 2022 ел
пәнҗешәмбе

    Бүген 18.08.22 көнне Җәлил посёлогында Татарстан Бакчачылар берлегенең көньяк-көнчыгыш бүлеге конференциясе булып узды. Конференциянең темасы: “СНТның җирле хакимият органнары белән хезмәттәшлеге ”. Конференциядә катнаштылар: Җәлил шәһәр тибындагы поселок муниципаль берәмлеге башлыгы Каримов Р.А.,  ССТ идарәсе рәисе Дейнекин В.Ф., ССТ идарә әгъзасы Дружин А.И.,  ССТ Питрәч бүлекчәсе җитәкчесе  Гайнуллин Н. Н., ССТ Казан бүлеге җитәкчесе Евстратов С.А., "Кама аръягы бакчалары» региональ иҗтимагый оешмасы җитәкчесе Волков Д.Н., Түбән Кама районы бакчачылар ассоциациясе рәисе Булатов И.И., Татарстан Бакчачылар берлегенең көньяк-көнчыгыш бүлекчәсе җитәкчесе Гильфанов А.Н.

     Шулай ук конференциягә Сарман муниципаль районы Башкарма комитеты җитәкчесенең беренче урынбасары Хуснимарданова Р.Р. да чакырылган иде,  ул конференциядә катнашучыларны сәламләде,  ССТ идарәсе рәисе Дейнекин Владимир Федоровичны  Сарман муниципаль районы Башлыгы Хуснуллин Ф.М. Рәхмәт хаты белән бүләкләде.

      Конференциянең эше 3 сәгать буе дәвам итте. Отчет белән Татарстан Бакчачылар берлегенең көньяк-көнчыгыш бүлекчәсе җитәкчесе Гильфанов А.Н. чыгыш ясады. Катнашучылар алдында  ССТ идарәсе рәисе Дейнекин В.Ф. чыгыш ясады. Ул үсеш векторын, проблемаларны һәм аларны хәл итү юлларын билгеләде.

                                                                                Җәлил поселогы башкарма комитеты

     Гарипова Аниса Фатхулла кызы 1932 елда Актаныш районының Актаныш авылында туган. 1939 елда  аның әти-әнисе туган авыллары Актаныштан Финляндия белән чиктәш авылга күчеп киткәннәр. Аларны яңа җирләрне үзләштерү программасы буенча җибәргәннәр. Тиздән авылларында эвакуаөия башланган. 1941 елда Аниса Фатхулла кызы гаиләсе белән бергә Актаныш районының Богады авылына кайткан. Авыр сугыш еллары булган. 1945 елда Аниса Фатхулла кызының гаиләсе яңадан Финляндиягә кайтарып җибәрелгән. 1952 елда алар Татарстанга кайтканнар.

    Сугыштан соңгы авырлыкларга карамастан, Аниса Фатхулла кызы Алабуга педагогия институтына укырга керә, югары белем ала, башлангыч сыйныф укытучысы дипломын ала. Соңрак ул комсомол райкомында  пионерия бүлеге мөдире булып эшләгән. Шунда ул булачак тормыш иптәше Гафур белән танышкан, hәм алар 1965 елда өйләнешкәннәр, Сафарово авылына кученгәннәр. Шул авыл мәктәбендә алар 1987 елга тикле, лаеклы ялга чыкканчыга кадәр, эшләгәннәр.  

    Җәлил посёлогына  Аниса Фатхулла кызы гаиләсе белән 1998 елда кученеп килгән, шушы көнгә кадәр монда яши.

     Аниса Фатхулла кызы бик күп грамоталар hәм медальләр белән бүләкләнгән. Авыр тормышына карамастан,  ул искиткеч, кызыклы әңгәмәдәш, шат күңелле, позитив кеше булып калган.

     Бу матур көнне юбилярны Совет аппараты җитәкчесе Исмагилова Ю. Р., Җәлил посёлогы Советының оештыру эшләре бүлеге башлыгы Гарифуллина Г.И., Сарман муниципаль районының «Шәфкать» халыкка социаль хезмәт күрсәтү үзәге директоры Хузина Г. И. котладылар. Юбилярга Россия Федерациясе Президенты Владимир Путиннан Кремльдән хат һәм истәлекле бүләкләр тапшырылды.

                                                                   Җәлил посёлогы башкарма комитеты

Хөрмәтле гражданнар! «Татарстан Республикасының гидрометеорология һәм әйләнә-тирә мохитне мониторинглау идарәсе» ФДБУ түбәндәгеләрне кабул итте: Консультация - кисәтү метеорологик күренешнең интенсивлыгы турында 06 сәгатьтән 18 сәгатькә кадәр. 2022 елның 19 августы. 2022 елның 19 августында Татарстан Республикасы территориясендә һәм Казан шәһәрендә урыны-урыны белән 15 м/с кадәр көчле көнчыгыш җиле көтелә. Россия Гадәттән тыш хәлләр министрлыгының Татарстан Республикасы буенча Баш идарәсе хәбәр итә.

Бүген Сарман мәдәният йорты агитбригадасы төркеме "Нөркәй" агрофирмасы кырларында алдынгыларга ярдәм итү һәм аларның яхшы кәефен күтәрү өчен механизаторлар алдында концерт программасы белән чыгыш ясады.

Карашай-Саклау авыл җирлегендә юл буе полосаларын, аншлагларны чабу, чүп үләннәреннән чистарту эшләре дәвам итә


17
август, 2022 ел
чәршәмбе

Бүген 12 августтан 16 августка кадәр урып-җыю чорында комбайнчылар арасында ярышлар билгеләнде. Аларны Сарман районы башлыгы Фәрит Хөснуллин, районның авыл хуҗалыгы һәм азык-төлек идарәсе башлыгы Альберт Шәрипов, идарәнең җитештерү-маркетинг бүлеге башлыгы Илнур Салихов бүләкләде.


ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International