ЯҢАЛЫКЛАР
Сарман районына эшлекле сәфәре кысаларында «Татлизинг» генераль директоры урынбасары Илдус Наил улы Насыйров Сарман авыл җирлеге башкарма комитетының яңа бинасында булды һәм башкарылган эшкә югары бәя бирде.
Бүген Сарман муниципаль районы Башлыгы Фәрит Мөнәвир улы Хөснуллин «Татлизинг» генераль директоры урынбасары Илдус Наил улы Насыйров, ТР ГИСУ директоры урынбасары Руслан Айрат улы Ямалтдинов һәм подряд оешмалары катнашында Җәлил бистәсендә җылылык белән тәэмин итү системасын модернизацияләү мәсьәләсе буенча киңәшмә үткәрде. Соңыннан киңәшмәдә катнашучылар блок-модульле котельныйлар төзелешенең барышы белән таныштылар.
Бүген Җәлил поселогы мәдәният сараенда террорчылыкка каршы бердәмлек көненә багышланган чара узды.
Бу истәлекле дата 2005 елда 2004 елның сентябрендә Бесланда булган фаҗигале вакыйгалар, террорчылык акты нәтиҗәсендә йөзләрчә кеше һәлак булу сәбәпле билгеләнгән. Бу көнне террорчылык актлары корбаннарын, шулай ук хезмәт бурычын үтәгәндә һәлак булган хокук саклау органнары хезмәткәрләрен искә алалар.
Чарада Сарман МР Җәлил поселогы Башкарма комитет җитәкчесе урынбасары Идиатуллина Г.М., «Җәлил» полиция бүлегенең участок уполномоченныйлары төркеменең участок уполномоченные капитан Шәйхелисламов Р.Р., шулай ук мәдәният сараеның иҗат коллективлары катнаштылар.
Бу чара террорчылык һәм экстремизм идеологиясенә каршы торуда барлык гражданлык җәмгыятенең бердәмлеге кирәклеген искә төшерә.
Бүген террорчылыкка каршы көрәштә теләктәшлек көнендә кинотеатр каршындагы мәйданда «Тормыш тамчысы» Бөтенроссия акциясе узды. Акциядә катнашучылар алдында Сарман муниципаль районы Башлыгы урынбасары Гүзәл Рифкать кызы Гәрәева чыгыш ясады, 2004 елдагы фаҗигале вакыйгалар турында сөйләде.
Бүген террорга каршы көрәштә бердәмлек көнендә укучылар «Тереклек тамчысы» акциясендә катнашты.
3 сентябрьдә сыйныф җитәкчеләре мәктәп директорының тәрбия буенча киңәшчесе Габдрахманова Э.Ш. белән берлектә укучылар өчен "Террорга каршы көрәштә бердәмлек көненә" багышланган сыйныф сәгатьләре үткәрделәр.
3 сентябрьдә Россиядә Террорчылыкка каршы көрәштә теләктәшлек көне билгеләп үтелә. Истәлекле дата 2005 елда билгеләнгән һәм Беслан шәһәрендәге фаҗигале вакыйгалар белән бәйле.
Бүген Сарман муниципаль районы Башкарма комитетының гомуми бүлек җитәкчесе Рамил Гәббәс улы Гайсин үзенең юбилеен билгеләп үтә.
Сарман муниципаль районы Башлыгы Фәрит Мөнәвир улы Хөснуллин Рамил Гәббәс улын 50 яшьлек юбилее белән котлады һәм җирле үзидарә органнарында намуслы хезмәте өчен рәхмәтен белдерде.
Бүген Сарман муниципаль районы Башлыгы Фәрит Мөнәвир улы Хөснуллин гражданнарны кабул итте. Кабул итүгә язылучылар үзләрен кызыксындырган сорауларга җаваплар алдылар.
Кабул итү атна саен сишәмбе көнне 14.00 сәгатьтә алып барыла, алдан язылу өчен телефон: 2-42-75.
Зурлар һәм мәктәпкә әзерлек төркемендә тәрбияләнүчеләр балалар китапханәсендә булдылар.
Балалар китаплар белән эш итү кагыйдәләре белән таныштылар һәм китапханәдә үзләрен ничек тотарга икәнен белделәр. Алар китап һәм журналларны бик кызыксынып карадылар. Китапханә хезмәткәрләренә кызыклы чара өчен рәхмәтебезне белдерәбез!