ЯҢАЛЫКЛАР
Россия Почтасы һәм «Леман ПРО» йортын ремонтлау һәм төзекләндерү өчен товарлар ретейлеры хезмәттәшлекне киңәйтә. Хәзер якындагы почта бүлекчәләрендә онлайн-заказларны Россия төбәкләре халкы, шул исәптән аз санлы һәм ерак торак пунктлар да ала алачак.
Товарлар китерелә торган почта бүлекчәләренең күбесе 50 000 кешедән азрак халкы булган зур булмаган шәһәрләрдә һәм авылларда урнашкан, анда күптән түгел генә электрон коммерция заказларына керү мөмкинлеге чикләнгән иде.
Почта бүлегендә сатып алуны алу өчен онлайн-заказны рәсмиләштергәндә алуның шундый ысулын сайларга кирәк. Әлегә бу хезмәт 30 кг га кадәр авырлыктагы һәм төргәкнең өч ягының гомуми озынлыгы 180 см дан артмаган посылкалар өчен мөмкин.
Аязучан болытлы һава. Башлыча явым-төшемсез. Җил төньяк-көнчыгыштан, көнчыгыштан 6-11 м/с, урыны белән тизлеге 15-18 м/с ка кадәр җитә. Төнлә һаваның минималь температурасы +2..+6˚. Көндез максималь температура +12..+16˚.
Музейда чираттагы мавыктыргыч һәм бик күңелле чара үтте. Бу юлы Сарман урта гомуми белем бирү мәктәбенең 2 а сыйныфы укучылары белән очрашуыбызны очсыз-кырыйсыз галәмгә, аның серләрен чишуче галимнәргә, космоска очучы герой шәхесләргә, кыскасы Космонавтика көненә багышладык. Әлегә темага бәйле яңа фактлар белеп, башваткычлар чишеп, һәркем үзенең “галәмен” рәсемгә төшереп, флешмобларда катнашып, хәтта ачык космоска чыгып янәдән космик корабльга утырып әйләнеп кайттык. Килегез, бездә һәрвакыт күңелле!!!
10 нчы апрель көнне Җәлил бистәсенең 6 нчы санлы "Теремкәй" балалар бакчасы коллективы герой-шагыйрь Муса Җәлилнең тууына 120 ел тулуга багышланган предприятиеләр һәм учреждениеләр арасында "Талантлар фестивале" үзешчән сәнгать смотр-конкурсында катнашты һәм "Вокаль ансамбль" номинациясендә lll урынга лаек булды. Тәрбиячебез Габидуллина Миләүшә Илдар кызы "Нәфис сүз"номинациясендә җиңүче булды. Бу осталыкны, артистлыкны һәм әдәбиятка мәхәббәтне югары бәяләү. Мондый уңыш педагогның нәфис сүз белән эшләүдә профессиональлеген илһамландыра һәм ассызыклый!
"Лилия" балалар бакчасында космонавтика көне
13 апрель көнне 6 нчы Б сыйныфында индивидуаль проект эшләрен яклау булып узды. Яклауда укучылар үзләренең проект эшчәнлеге, халык алдында чыгыш ясау, теманың тирәнлеген ачу күнекмәләрен күрсәттеләр. Балаларны тыңлау, аларның балкып торган күзләрен һәм йөзләрен күрү кызык иде. Алтынчы сыйныф укучыларын уңышлы чыгышлары белән котлыйбыз!
Агымдагы елның 24 – 26 апрель көннәрендә Татарстан Республикасы Хөкүмәте ярдәмендә Дөньякүләм «Татарча диктант» акциясе узачак. Әлеге чара 24 апрельдә – Татарстанда, 25 апрельдә – Россия төбәкләрендә, ә 26 апрельдә чит илләрдә уздырылачак. Акциянең төп максаты – татар теленә һәм мәдәниятенә игътибар җәлеп итү, дөнья буйлап сибелеп яшәүче татарларны берләштерү, тел белемен тикшерергә мөмкинлек бирү, әдәби татар телен кулланучыларның даирәсен арттыру һәм татар теленә карата мәхәббәт уяту.
Быел «Татарча диктант» акциясе унберенче тапкыр үткәреләчәк һәм бөек шагыйребез Габдулла Тукайның 140 еллыгына багышланачак.
«Татарча диктант» акциясенең трансляциясе 24 – 26 апрель көннәрендә
«ТНВ-Татарстан» һәм «ТНВ-Планета» телеканалларында күрсәтеләчәк.
Аязучан болытлы һава. Төнлә һәм иртән яңгыр, яшенле яңгыр, кайбер районнарда томан. Көндез урыны белән бераз яңгыр ява. Җил төньяк-көнчыгыштан 6-11 метр тизлектә, урыны белән 15-16 метр тизлектә. Төнлә һаваның минималь температурасы +7..+10˚. Көндез максималь температура +17..+22˚.
Үсеп килүче буынны патриотик рухта тәрбияләүгә ярдәм итү максатыннан, гаилә тарихын өйрәнү, туган як тарихына карата кызыксыну уяту, гаилә кыйммәтләрен һәм элемтәләрен ныгытуда ярдәм итү, архив материаллары белән эшләүгә җәлеп итү максатыннан, Татарстан Республикасының Архив эше буенча Дәүләт комитеты «Гаилә архивын тапшыр» конкурсы игълан итә.
Конкурс ике этапта үткәрелә: муниципаль һәм республика. Конкурска Татарстан Республикасының барлыкка килү һәм үсеш тарихын чагылдыручы гаилә архивлары кабул ителә (гаилә архивларының төп нөсхәләре Дәүләт архивына саклануга эләгә).
Җиңүчеләр дипломнар һәм акчалата призлар белән бүләкләнә:
50 000 сум – I урын өчен
30 000 сум – II урын өчен
20 000 сум – III урын өчен.
Конкурсның муниципаль этабында катнашу өчен гаризалар Сарман муниципаль районы Башкарма комитетының архив бүлеге тарафыннан 2026 елның 4 октябренә хәтле кабул ителә. Эл.почта: Gulhat.Sultangalieva@tatar. Архив бүлеге телефоны 2-53-15.
Конкурс турында нигезләмә
13 нче апрель көнне МБГББУ "Җәлил гимназиясендә" психология атналыгы башланды. Педагог-психолог Гарипова М.М. күнекмәләрне практик эшкәртү элементлары белән "Аңлыйм һәм контрольдә тотарга өйрәнәм" тренингы форматында төркемле дәрес үткәрде.