ЯҢАЛЫКЛАР
Бүген Сарман муниципаль районы Башлыгы Фәрит Мөнәвир улы Хөснуллин Ләке авылында Питрау-2025 бәйрәмен оештыру һәм үткәрү мәсьәләсе буенча киңәшмә үткәрде, җаваплыларны билгеләде һәм әзерлекнең контроль срокларын билгеләде.
Янгын сүндерүче белән танышу. Өлкән төркемдә янгын куркынычсызлыгы буенча "янгын сүндерүче белән танышу"темасына әңгәмә үткәрелде. Янгынны сүндерүгә караганда кисәтү җиңелрәк. Бу фраза актуальлеген югалтмый. Мәктәпкәчә яшьтәге балаларның элементар янгын куркынычсызлыгы кагыйдәләрен белмәве - балалар гаепле булып кала торган янгыннарның төп сәбәпләренең берсе. Шуңа күрә безнең бакчада янгын куркынычсызлыгы кагыйдәләре турындагы белемнәрне системалаштыру буенча даими эш алып барыла.
Сарман 1 нче номерлы «Кояшкай» балалар бакчасында "Ком көне" үтте.
Комчылар тулыландыруда күрсәткән ярдәмнәре, төрле уенчыклар өчен тәрбияләнүчеләрнең әти-әниләренә зур рәхмәтебезне җиткерәбез.
👫Молодцы, әти-әниләр!!!
Безгә кем ярдәм итә, барысына да!🤝👍🥰
Без сезгә бик рәхмәтле!!!
Ярдәм өчен күп тапкырлар рәхмәт сезгә,
Игелекле эшләр өчен рәхмәт сезгә🙏
Киләчәктә хезмәттәшлек һәм үзара аңлашуга өметләнәбез!!!!!🤝
Сарман районына эшлекле визит белән Татарстан Республикасы Яшьләр эшләре министры Ринат Наил улы Садыйков килде. Аны Сарман муниципаль районы Башлыгы Фәрит Мөнәвир улы Хөснуллин озата йөрде. Эш сәфәре барышында Ринат Наил улы Җәлил бистәсендәге яшьләр үзәгендә капиталь ремонт барышы белән танышты, подряд оешмалары вәкилләре белән очрашты.
1 июльдә «Сарман» кинотеатрында «Шафкать» халыкка комплекслы социаль хезмәт күрсәтү үзәгендә ял итүчеләр өчен «Царевна-лягушка» фильмы күрсәтелде.
Бүген Сарман районында «Комбайннар парады»узды. Техниканың торышын Татарстан Республикасы Авыл хуҗалыгы һәм азык-төлек министры урынбасары Рафаэль Мәхмүт улы Фәттахов җитәкчелегендәге җаваплы комиссия карады. Аны Сарман муниципаль районы Башлыгы Фәрит Мөнәвир улы Хөснуллин һәм районның авыл хуҗалыгы һәм азык-төлек идарәсе җитәкчесе Николай Иванович Сахуриев озата йөрделәр. Комиссия составына идарәнең җитештерү бүлеге начальнигы Илнур Хәйдәр улы Салихов, идарәнең механизация буенча консультанты Гөлүс Әнәс улы Фәттахов, «Россельхозцентр» филиалының район бүлеге начальнигы Рамил Мизхәт улы Нәҗметдинов, районның җитештерү комплекслары башкарма идарәчесе Илшат Нәкыйф улы Вәлиев һәм башкалар керде. - Һава яңгырлы, ләкин корылыктан яхшырак. Күрәм, шәһәр халкы быел да икмәксез калмаячак, - диде Рафаэль Мәхмүт улы Фәттахов. Баллар суммасы буенча беренче урынны «Нөркәй» агрофирмасы алды – 68. Җиңүчедән бер баллга артта калган «Җәлил» һәм «Сарман» агрофирмалары икенче-өченче урыннарны бүлештеләр.
Яхшы гадәтләр көнен беренче төркемдә тәрбияләнүчеләр сәламләүдән һәм «әдәпле сүзләр»уеныннан башладылар,җәмгыятьтә үз-үзеңне тотуның элементар кагыйдәләре турында әңгәмә үткәрделәр, «матурлык салоны», «кунакларда» сюжетлы-рольле уеннар оештырдылар, к.Чуковскийның «Мойдодыр» мульфильмын карадылар.
Бүген Сарман муниципаль районы Башлыгы Фәрит Мөнәвир улы Хөснуллин гражданнарны кабул итте. Кабул итүгә язылучылар үзләрен кызыксындырган сорауларга җаваплар алдылар.
Кабул итү атна саен сишәмбе көнне 14.00 сәгатьтә алып барыла, алдан язылу өчен телефон: 2-42-75.
Бүген Россиядә хәрби хәрәкәтләр ветераннары көнен билгеләп үтәләр. Шул уңайдан Сарманның үзәк ял паркында мемориалга чәчәкләр салынды. Чарада Сарман һәм Мөслим районнары буенча хәрби комиссар Дашгын Гасанов, сугыш хәрәкәтләре, төрле гаскәр ветераннары катнашты. Алар сугыш кырларында һәлак булганнарны яки мәңгелеккә инде тыныч вакытта киткәннәрне искә төшерделәр. "Бөтен дөньяда тынычлык булсын!"- диделәр чарада катнашучылар.