ЯҢАЛЫКЛАР

Бүген Ләке авылында Питрау билгеләп үтелде.

Халыкны бәйрәм белән Сарман муниципаль районы Башлыгы Фәрит Мөнәвир улы Хөснуллин, Ләке авыл җирлеге башлыгы Юрий Григорьевич Антонов котладылар, иң алдынгыларны бүләкләделәр. Татарстан Республикасы керәшеннәр иҗтимагый оешмасы идарәсе рәисе урынбасары Ирина Айдар кызы Муллина мәдәният йортына да бүләк ясады. Тантаналы чараны якташыбыз Алмаз Әгъләмов белән авыл мәдәният йорты директоры Римма Антонова алып бардылар.

Бәйрәмдә төрле ярышлар оештырылды: ир-атлар да, хатын-кызлар да себеркесен дә җыйдылар, бер-берсен арбага утыртып та йөрделәр, кул да көрәштерделәр, капчык киеп тә йөгерделәр, гер дә күтәрделәр, таяк та тартыштылар. Келәмдә көрәшчеләр көч сынаштылар. Чара концерт номерлары белән үрелеп барды. Якташларын сөендереп, бәйрәмгә Татарстанның атказанган мәдәният хезмәткәре Роберт Андреев та кайткан иде. Шул ук вакытта катнашучылар «Питрау чибәре» исеме өчен дә көрәштеләр.

Мәйданның бер почмагында машина тартучылар да булды әле! Кыскасы, бәйрәм бик эчтәлекле булды һәм барысының да күңеленә хуш килде.

Бүген Әлмәт авылында махсус хәрби операциядә катнашучы Маняшкин Александр Владимирович белән хушлаштылар.

Маняшкин Александр Владимирович 1997 елның 4 ноябрендә Татарстан Республикасының Әлмәт районы Кәләй авылында туа. Әлмәт районының Кәләй авылы урта мәктәбендә, аннары «сәламәтлеге мөмкинлекләре чикләнгән балалар өчен Теләнче-Тамак мәктәп-интернатында»укый. Махсус хәрби операция зонасына 2024 елның 19 июлендә контракт буенча киткән. 2024 елның 9 сентябрендә мотоукчылар батальонының мотоукчылар ротасының мотоукчылар взводының мотоукчылар бүлеге өлкән механик-йөртүчесе гвардия рядовое Маняшкин Александр Владимирович Украина, Донецк Халык Республикасы һәм Луганск Халык Республикасы территориясендә махсус хәрби операция үткәрү барышында бурычларны үтәгәндә һәлак булган дип танылды.

Сарман муниципаль районы Башлыгы Фәрит Мөнәвир улы Хөснуллин исеменнән хәрби хезмәткәрнең якыннарын югалту ачысын Башкарма комитет җитәкчесе Фәндәс Әнәс улы Вәлиев уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Сугышчы истәлегенә бер минут тынлык игълан ителде.

Илексаз авыл жирлеге башлыгы Гыйлфанов Флер Мусабир улы буген 65 яшьлек юбилеен билгелэп утэ.

Сарман муниципаль район  башлыгы урынбасары Гузэл Рифкат кызы, район башлыгы житэкчесе Фэрит Мунавир улынын"Рэхмэт"хатын хэм булэген тапшырып,шэхсэн уз ,хэм барлык хезмэттэшлэре исемэннэн котлау сузлэре житкерде..Бу телэклэргэ район отдел начальнигы Альбина Альмир кызы да кушылды.

Район депутаты Габбас Гайнетдин улы авыл халкы исеменнэн хэм шэхсэн уз исеменнэн авыл очен эшлэгэн эшлэре очен рэхмэт эйтеп,юбилее блэн котлап матур телэклэр житкерде.Бу телэклэргэ  Илексаз авылы шэфкать туташы Альбина Рахимова,почта житэкчесе Гузэлия Зарипова,китапханэче Элфия Закирова,хэм сэркэтибе Зилэ Салихова да кушылды.

Питрау бәйрәме уңаеннан барыгызны да чын күңелемнән тәбрик итәм. Питрау, дини бәйрәм кысаларыннан чыгып, күпмилләтле районыбыз халкының яраткан бәйрәмнәренең берсенә әверелде. Сарманлылар милләтара мөнәсәбәтләрнең кыйммәтен яхшы аңлыйлар. Ә бу исә икътисади һәм социаль уңышлар белән бергә районыбызның тынычлык һәм иминлек нигезе булып тора.

Гасырлар дәвамында халыкның тарихын, динен, яшәеш үзенчәлекләрен үзенә сеңдергән Питрау елдан-ел яңадан-яңа бизәкләр белән тулыланып бара. Аның кабатланмас рухы, эчкерсез шаянлыгы, сый-хөрмәте, юмартлыгы, бәйге-җиңүләргә җилкендерүе һәркемне сокландыра. Авыл тормышында Питрау аеруча мөһим, үзенчәлекле, чөнки бәйрәмнән соң эш арта. Халык юкка гына, басуда тырышып эшләү өчен башта яхшы итеп бәйрәм ит, күңел ач, димәгән. Бездә чананы – җәйдән, арбаны кышын әзерлә, диләр. Ә җәй исә авыл халкы өчен көзгә-кышка әзерлек чоры.

Һәр керәшен өчен кадерле булган Питрау бәйрәме күңелләрегезгә тынычлык, яктылык һәм киләсе көнгә ышаныч өстәсен. Дөньялар имин, үзегез сау-сәламәт, бәхетле булыгыз.

Сарман муниципаль районы Башлыгы Фәрит Мөнәвир улы Хөснуллин төзелеш һәм капиталь ремонт объектларын карап чыкты, эшләрнең барышы белән танышты, подряд оешмалары вәкилләре белән очрашты.

Сарман районына эшлекле визиты белән Дәүләт торак инспекциясе башлыгы Александр Васильевич Тыгин килде. Чаралар кысаларында аны Сарман муниципаль районы Башлыгы Фәрит Мөнәвир улы Хөснуллин озата йөрде.

Бүген Сарман районының Кече һәм урта эшмәкәрлеге өчен «Нәтиҗәле һәм конкурентлы икътисад» милли проекты кысаларында «Татарстан Республикасы Сәүдә-сәнәгать палатасы» Берлеге департаменты вәкилләре белән очрашу узды. Чарада Сарман муниципаль районы Башлыгы Фәрит Мөнәвир улы Хөснуллин, «Татарстан Республикасы Сәүдә - сәнәгать палатасы» берлеге рәисе урынбасары Марат Камчы улы Әхмәтов, «Татарстан Республикасы Сәүдә-сәнәгать палатасы» берлегенең көньяк-көнчыгыш икътисади районы буенча департаменты директоры Ринат Мәсхүт улы Сабиров, «Татарстан Республикасы Төбәк лизинг компаниясе» АҖ генераль директоры Станислав Валерьевич Королев  һәм район бизнесы вәкилләре дә катнаштылар. Әлеге чара район бизнесына үзара хезмәттәшлекне ныгыту һәм практик ярдәм күрсәтү максатында оештырылды. Очрашуда дәүләт ярдәме формалары, эшмәкәрлек эшчәнлегенең юридик куркынычлары турында сораулар күтәрелде. Һәр катнашучы тәҗрибә уртаклаша һәм кыйммәтле тәкъдимнәр ала алды.

Җәйге сәламәтләндерү планы кысаларында 4 нче "Сандугач" балалар бакчасында «яшь велосипедчылар кагыйдәләре»көне узды. Укучылар велосипедта һәм самокатта йөрү күнекмәләрен күрсәтеп кенә калмадылар, юл хәрәкәте кагыйдәләре турында да белемнәрен күрсәттеләр. Чара кысаларында, мәсәлән, мондый активлыклар үткәрелде: - «билгегә кем тизрәк барып җитә һәм аны дөрес атый»эстафетасы. - "Елан кебек йөрү" (трассада кегли яки конуслар куела, алар тирәсендә катнашучылар аларны бәрмичә узарга тиеш була).

- Җәяүлеләр һәм велосипедчылар өчен уен, анда «тукта» билгесен күргәч туктарга һәм аякларыңны велосипедтан төшмичә җиргә куярга кирәк иде.

Бу хакта Сарман муниципаль районы Башлыгы Фәрит Мөнәвир улы Хөснуллин үзенең социаль челтәрләрендә хәбәр итте.:

"Сарман муниципаль районының Урта Кәшер авылында яшәүчеләрнең барысы исеменнән Рәис Нургали улы Миңнехановка, Татарстан Республикасы Сәламәтлек саклау министрлыгына яңартылган фельдшер-акушерлык пункты өчен зур рәхмәтебезне белдерәбез.

«Озакка сузылган һәм актив тормыш» милли проектының «сәламәтлек саклауның беренче звеносын модернизацияләү» төбәк проекты кысаларында капиталь ремонт үткәрелгән, аңа тәрәзәләр, ишекләр, электрүткәргечләр алыштыру, санузел булдырып, бөтен бинаны ремонтлау кертелгән. Озак еллар авыл халкы медицина ярдәмен уңайлы шартларда алмаган. Хәзер исә сезнең кайгыртуыгыз аркасында, Хөрмәтле Рөстәм Нургалиевич, һәркем уңайлы шартларда вакытында һәм квалификацияле медицина ярдәме ала алырлык урын бар. Сезнең ярдәм-халкыбызның сәламәтлеге һәм иминлеге нигезе ул! Районыбызның игътибары, даими ярдәме өчен зур рәхмәт, Хөрмәтле Рөстәм Нургалиевич!»

Татарстан Республикасы Рәисе Рөстәм Миңнеханов хуплавы һәм ярдәме белән Татарстанда төгәл фәннәрне популярлаштыру өчен 2025 елда «Физика-математика алгарыш» масштаблы мәгариф проекты узды, аны Татарстан Республикасы Мәгариф һәм фән Министрлыгы һәм Иннополис Университеты бергәләп гамәлгә ашыра.