28нче апрель көнне Әгерҗе муниципаль районында Бөек Ватан сугышында җиңүгә багышланган турнир узды. Әлеге чарада безнең Мортыштамак авыл малае Хафизов Әмир катнашты. Аңа алга таба да уңышлар телибез!

13 майда "Зарница 2.0" хәрби-патриотик уенның район ярышлары узды.  Уенның максаты яшүсмерләрне гражданлык һәм патриотик тәрбияләү, хәрби хезмәткә чакырылуга кадәр әзерлек һәм Ватанны саклауга әзерлек. Уен ике яшь категориясе өчен уздырыла: 11 - 13 яшь (уртача яшь категориясе), 14-17 яшь (өлкән яшь категориясе). МББУ "Җәлилнең 1 нче урта гомуми белем бирү мәктәбе" 10 команда арасында I урынны алды. Строй әзерлеге буенча өлкән һәм кече команда 1 урынны яулый

Җәлилнең 1нче мәктәбенең 6б сыйныф укучысы Шәмсетдинов Ниязны"Минем шәҗәрәм"республика Шәҗәрә тикшеренүләре конкурсының муниципаль этабында җиңүе белән котлыйбыз. Нияз проекты Династия горур сүз! Аның эчендә буыннар үрелеп китте!  жюри тарафыннан лаеклы бәяләнә. Алга таба да җиңүләр һәм уңышлар телибез!

"Җәлил гимназиясе" базасында 16 нчы майда Минзәләбаш Һәм Лешев-Тамак мәктәпләре укучылары өчен "Үсеш ноктасы" табигый-фәнни һәм технологик юнәлештәге мәгариф үзәге җиһазларын кулланып, челтәр элемтәсе кысаларында мастер-класслар үткәрелде. Чара кысаларында укучылар 3-Д модельләштерү, робототехника белән таныштылар һәм цифрлы лабораторияләр ярдәмендә экспериментлар үткәрделәр. Шулай ук балалар спорт эстафетасында катнаштылар.

"Җәлил гимназиясе" базасында муниципаль координатор белән балалар иҗтимагый берләшмәләре белән тәрбия һәм хезмәттәшлек буенча директор киңәшчеләренең эшче киңәшмәсе узды. Очрашу урыны - балалар инициативалары үзәге булды.