Мәктәпкүләм чара -"Мәктәп горурлыгы,гаилә горурлыгы"

Сарайлы авылында Мөхәммәтов Наил Миргариф улы истәлегенә багышланган гомуми белем бирү мәктәпләре арасында гер спорты буенча Сарман районы беренчелеге узды. Гомумкоманда зачетында МБББУ "Ләшәү-Тамак төп гомумбелем бирү мәктәбе" 2 нче урынны алды. Кызлар арасында: Нуриева Азалия-2 урын. Егетләр арасында : Әхмәтов Айваз 2 нче урын. Котлыйбыз!

МБГББУ "Азалак төп гомуми белем бирү мәктәбе"нең 8 сыйныф укучысы Гәрәйханова Эльвина "Минем нәсел агачы" проекты белән "Минем шәҗәрәм" исеме астында республика генеалогик тикшеренүләр конкурсының муниципаль этабында II урынны яулады һәм Сарман муниципаль районы Башкарма комитеты грамотасы белән бүләкләнде. Котлыйбыз, Эльвина! Проект җитәкчесе: Шафигуллина Г. Ф.

13 майда Гаилә елы һәм Бөек Ватан сугышында Җиңүнең 79 еллыгы кысаларында, шулай ук үсеп килүче буынны хәрби-патриотик тәрбияләү максатларында Сарман гимназиясенең 7 нче сыйныф укучылары өчен «Катя-Катя» исемле нәфис фильмы күрсәтелде.

13 нче май көнне Хакимуллиннар гаиләсе бергә гаилә корып яши башлауларына 60 ел, бриллиант туйларын, бергә гомер итүләрен билгеләп үттеләр. Өйләре озак елларга уңайлы һәм җылы булып калсын, туганнарының, якыннарының җылысы, кайгыртучанлыгы, игътибары белән тулсын. Аларны истәлекле гомер бәйрәмнәре белән Азалак авыл җирлеге башлыгы И.Г.Габдулгазизов һәм авыл ветераннар советы рәисе Фарлукшина М.М.,тәбрикләде. Юбилярларга ныклы сәламәтлек һәм озын гомер теләделәр.