Яңа Минзәләбаш авылында «Дан Обелискы»н ачу тантанасы
2019 елның 9 маенда Яңа Минзәләбаш авылында «Дан Обелискы»н ачу тантанасы булды.
Бу вакыйганың нәкъ менә 9 майда, бөтен Россия Совет халкының Бөек Ватан сугышында Җиңү көнен бәйрәм иткәндә барлыкка килүе символик мәгънәгә ия.
Тантаналы чара программасы Җәлил гимназиясе укучысы И. Якупов чыгышыннан башланды.
Бу көнне оештыручылар, катнашучылар, авыл халкы һәм кунаклар адресына Сарман муниципаль районының рәсми затлары һәм хөрмәтле кешеләре исеменнән рәхмәт сүзләре яңгырады. Алар арасында Сарман муниципаль районы башкарма комитеты җитәкчесе А. Ф. Мөхәммәтгәрәев, "Җәлил бистәсе» муниципаль берәмлеге башлыгы Р. Ә. Кәримов, җитештерү буенча начальникның беренче урынбасары – «Җәлилнефть» НГДУ баш инженеры Р. А. Әхмәтшин, шулай ук Сарман һәм Мөслим районнары буенча хәрби комиссариатның мобилизация ресурсларын планлаштыру, билгеләү, әзерләү һәм исәпкә алу бүлеге начальнигы К. Н. Миңнегулов бар иде.
Мемориалны ачу һәм тасманы кисү хокукы Яңа Минзәләбаш авылында яшәүче һәм төзелеш инициаторы Р. Х. Нигъмәтуллинга бирелде.
Бөек Ватан сугышында Җиңү көненә һәм мемориал ачылуга багышланган чара бер сулышта узды. Хәзер буыннарга бу изге урынны беренчел рәвештә саклап калу, ә узып барганда тукталырга һәм безгә бу җиңүне, азатлык һәм бәйсезлек бүләк иткән кешеләрне искә төшерергә кирәк.