Марат Әхмәтов Сарман районына эшлекле сәфәр кылды
Бүген ТР Дәүләт Советы рәисе урынбасары Марат Әхмәтов Сарман муниципаль районында эш сәфәрендә булды. Сарманга килүнең төп максаты - узган елга йомгак ясауга багышланган район Советы утырышында катнашу.
Утырыш башланганчы Марат Әхмәтов Сарманда берничә объект карап чыкты, шулар арасында социаль ипотека республика программасы буенча төзелгән 18 фатирлы торак йортта булды.
Бу Хәсән Туфан урамындагы 18 фатирлы өч катлы торак йорт. Объектның инвесторы-төзүче - Татарстан Республикасы Президенты каршындагы Дәүләт торак фонды.
Яңа йортта Марат Готыф улы һәм аны озатып йөрүче затлар 17нче фатирда яшәүче Минһаҗевлар гаиләсендә булдылар. Өй туе кунаклары кунакларны чәй өстәле артына чакырдылар.
Мингазовлар социаль ипотека программасы буенча 1 бүлмәле фатир алдылар. Гаилә башлыгы Илнур Минһаҗев "Баш-СБ" шәхси саклау оешмасында эшли. Гаиләдә кызы Адилә һәм Мингазовлар гаиләсе тиздән тулылануны көтә.
Ильнур Сибгатуллин фотолары