Инглиз теле буенча республика олимпиадасының йомгаклау этабы

2021 елның 26 гыйнвары, сишәмбе

22-25нче гыйнварда Казан шәһәрендә 4-8нче сыйныф укучылары өчен инглиз теле буенча республика олимпиадасының йомгаклау этабы узды. Мондый масштабтагы олимпиадада беренче тапкыр Җәлил гимназиясеннән Ганиева Элина, Сәхәбиев Камил һәм Әсләмов Илназ катнаштылар. Көрәш чын-чынлап киеренке булды, чөнки олимпиадага инглиз телен иң көчле белүчеләр җыелды. Ә Илназ кайбер шәһәр егетләреннән инглиз телен яхшырак белүен күрсәтте, призлы урын алып кайтты. Без Илназ һәм аның укытучысы Гарайшина Эльмира Хаҗинур кызын лаеклы призлы урын белән котлыйбыз! Илназга киләчәктә дә уңышлар һәм җиңүләр телибез! Балалар, сез барыгыз да булдырдыгыз!