Андрей Ларьков призына чаңгы ярышлары

2021 елның 2 феврале, сишәмбе

Чаңгы ярышлары буенча Татарстан Республикасы шәхси-команда беренчелегендә призлы урын ! Җәлил 1 нче санлы мәктәбенең 9 а сыйныф укучысы Насибуллин Даниил әнә шундый нәтиҗәләр белән сөендерде. 26-30 гыйнвар көннәрендә Зеленодольск шәһәрендә ЗМС Андрей Ларьков призына чаңгы ярышлары узды. Даниил ирекле стиль белән индивидуаль спринтта, шулай ук классик стиль белән 5км.га  икенче урынны алды. Ә Даниил беренче урынны алган Сарман районы командасы инде февраль аенда ук Сыктывкар шәһәренә республика данын Россия ярышларында якларга бара. Без сезнең өчен җан атачакбыз, уңышлар телибез!