«Мәдәният калейдоскобы» республика Туган телләр фестивале
5нче март көнне безнең укучыбыз, Инглиз теле буенча республика мәктәп укучылары олимпиадасының йомгаклау этабы призеры Әсләмов Илназ, «Мәдәният калейдоскобы» республика Туган телләр фестивалендә катнашты. Фестиваль Саба муниципаль районының «Рост» Шәмәрдән лицеенда узды. Фестивальгә КФУның чит ил студентлары килде. Бик кызыклы программа тәкъдим ителде. Укучылар "Тылсымлы түбәтәй" кунакханәсе белән таныштылар һәм милли уеннарда актив катнаштылар. Татар милли баш киемнәре күргәзмәсе аеруча ошады. "Түбәтәй үз куллары белән" мастер-классында укучылар һәм студентлар түбәтәйләрне үзләре бизәделәр. Франция, Кытай, Корея, Индонезия, Мали, Швейцария һәм башка илләрдән килгән чит ил студентлары мәктәп укучылары һәм аларның укытучылары өчен мавыктыргыч мастер-класслар үткәрделәр. Ильназ актив катнашкан өчен сертификатлар белән бүләкләнделәр.