Сабантуй-2021

2021 елның 14 июне, дүшәмбе

Бу атнада район үзәгендә, бистәдә милли бәйрәмебез гөрләде. Уеннар, җыр-биюләргә бай булды ул.  Мәктәбебезнең техник хезмәткәре Хәлил абый Кәримовка 70 яшьлек юбилее уңаеннан һәм тырыш хезмәте өчен район башлыгы бүләге тапшырылды. Хәлил абый мәктәбебездә 2013 нче елдан эшли. Ул - үрнәк бабай, үрнәк әти, фидакарь хезмәт өлгесе. Һәрвакыт акыллы, төпле киңәшен  бирә, тормыш тәҗрибәсе белән уртаклаша. Мәктәпнең зур коллективы бөтен котлауларга кушыла, юбилярыбызга исәнлек-иминлек, тыныч күк йөзе тели.
Белем учагы укучылары да, укытучылар да бәйрәмне оештыруда, үткәрүдә зур активлык күрсәттеләр, уеннарда да, концерт программасында да сынатмадылар.