Мортыш Баш авылында яшәүче Гүзәлия апа белән Тавис абый Яббаровлар гаиләсе алтын туйларын бәйрәм итәләр.

Гомер көзенә пар канатың белән керү, балалар,оныклар рәхәтен парлап тату – олы бәхет. Мортыш Баш авылында яшәүче Гүзәлия апа белән Тавис абый Яббаровлар гаиләсенә әнә шундый бәхет насыйп булган. Алар 50 ел бергә пар канатлар булып гомер кичерәләр. Ярты гасыр бер-берсенә таяныч, терәк булып гомер кичерүче парны бу матур вакыйга - алтын туйлары белән авыл җирлеге башлыгы Флер Мөсәвир улы, авылыбыз ветераннар Советы Әлфия Рәис кызы, депутатыбыз Зәрия Наил кызы тәбрикләп истәлекле бүләк тапшырдылар.