Җәлил бистәсенең 6 нчы санлы "Теремкәй" балалар бакчасында экологик квест

2022 елның 11 апреле, дүшәмбе

Мәктәпкәчә яшьтәге балаларда экологик аң элементларын формалаштыру һәм экологик культураны үстерү максатыннан Җәлил бистәсенең 6 нчы санлы "Теремкәй" балалар бакчасында "Табигатьнең дусты бул" дип исемләнгән экологик квест узды. Еш кына кешеләр чүп-чарны үзләре артыннан җыештырмыйлар һәм урманны пычранган килеш калдыралар. Балалар моның бик начар булуын һәм урманны чистартырга тәкъдим итүләрен әйттеләр. Балалар  экологик станцияләрдә төрле биремнәр үтәделәр. Һәрбер үтәлгән биремнән соң урман чистарып барды. Квестның барлык катнашучылары да бәхетле балачак турында  җырлар җырладылар һәм язның җылысына һәм килүенә сөенделәр!