Районда физик затларның техника караулары башланды
17 майдан Татарстан Республикасы Сарман муниципаль районы авыл җирлекләре буенча теркәлгән тракторларга, үзйөрешле машиналарга һәм аларга тагылмаларга техник карау башланды.
Техник карап чыгуны уздыру өчен нигез булып Татарстан Республикасы Дәүләт техник күзәтчелек идарәсенең 2022 елның 22 декабрендәге 01-05/295пр номерлы боерыгы, Россия Федерациясе Хөкүмәтенең «техник торышка дәүләт күзәтчелеген гамәлгә ашыручы теркәлгән органнар тарафыннан үзйөрешле машиналарны һәм техниканың башка төрләрен техник тикшерү турында»2013 елның 13 ноябрендәге 1013 номерлы карары белән расланган машиналарга техник карау уздыру тәртибе нигезендә тора.
Үзйөрешле машиналарга һәм аларга тагылмаларга техник карау үткәрүнең төп үзенчәлекләре:
- Бер елдан артык вакыт узмаган һәм эксплуатацияләнмәгән яңа машиналарга беренче техник карау аларның техник торышын тикшермичә, номерларны чагыштырып үткәрелә. Аннан соң ел саен техник караулар үткәрелә. Машиналарга техник карау, машинаны теркәү урынына бәйсез рәвештә, Дәүләт техник күзәтчелек органы урнашкан урын буенча үткәрелә.
Техник карап чыккан машиналарга техник карау узу турында таныклык, машинаның куркынычсызлык таләпләренә тулысынча туры килү-килмәү очрагында биреләчәк. Машина куркынычсызлык таләпләренә туры килмәгән очракта, техник карау акты бирелә һәм акт рәсмиләштерелгәннән соң 20 көн эчендә кабат техник карау уздырыла. Бу очракта машинаның техник торышын тикшерү бу актта күрсәтелгән машина параметрларына карата гына үткәрелә.
Техник карауга түбәндәге документларны тапшырырга кирәк:
1 шәхесне раслаучы документ.
2 ышанычнамә (машина вәкиле мөрәҗәгать иткән очракта).
3 тракторчы-машинист таныклыгы.
4 машинаны теркәү турында таныклык.
5 билгеләнгән үрнәктәге гариза.
Авыл җирлегендә гражданнар теркәлгән җиһазларны техник тикшерү расланган график буенча алып барыла. Киләчәк техник тикшерүләр 22 май - Александровска авыл җирлегендә, Ләшәү-Тамак һәм Яңа Имән авыл җирлекләрендә, 26 май Илексаз һәм Мортыш-Тамак авыл җирлекләрендә, 29 май Югары Чыршылы һәм Ләке авыл җирлекләрендә уздырылачак.