Мәгариф хезмәткәрләренең август конференциясе
Бүген Сарман мәдәният йортында мәгариф хезмәткәрләренең «зур үзгәреш: мәгънәләр, мөмкинлекләр, перспективалар»дигән август конференциясе узды.
Конференция эшендә район башлыгы Фәрит Хөснуллин, Татарстан Республикасы Мәгариф һәм фән министрлыгының милли мәгариф идарәсе милли мәгариф бүлеге башлыгы Энҗе Гыйзатуллина катнашты.
Киңәшмәнең пленар өлеше башланыр алдыннан кунаклар район мәктәпләре, балалар бакчалары коллективы һәм сәнгать мәктәбе оештырган күргәзмә белән таныштылар.
Киңәшмәдә катнашучыларны район башлыгы Фәрит Хөснуллин сәламләде.
«2022-2023 уку елы йомгаклары һәм киләсе уку елына бурычлар» турында төп доклад белән мәгариф бүлеге начальнигы Гөлшат Идрисова чыгыш ясады.
«Максаттан гамәлгә – Сарман районында остазлык эшчәнлегенең төп ориентирлары» темасына доклад белән МББУ "Җәлилнең 1нче урта гомуми белем бирү мәктәбе" укытучысы Флүзә Шәйхетдинова таныштырды.
"Авыл мәктәбе шартларында тәрбия юнәлешләре" темасына доклад белән "ешев-Тамак төп гомуми белем бирү мәктәбе "МББУ директоры Ринат Дәүләтов чыгыш ясады.
«Балалар иҗтимагый берләшмәләре белән тәрбия һәм хезмәттәшлек буенча директор киңәшчесе» проектын тормышка ашыру белән Россия Мәгариф министрлыгының "Росдетцентр" ФДБУның патриотик юнәлештәге программаларны гамәлгә ашыру бүлегенең әйдәп баручы эксперты Чулпан Гайнанова таныштырды.
«Беренчеләр хәрәкәте» проектын тормышка ашыру турында Сарман муниципаль районының «беренчеләр хәрәкәте» гомумроссия иҗтимагый-дәүләт балалар һәм яшьләр хәрәкәтенең җирле бүлекчәсе Советы Рәисе Эльвира Кәлимуллина сөйләде.
"Сарман муниципаль районы үзәгенең ППМС эшчәнлеге" белән үзәкнең ППМС җитәкчесе Алина Закирова таныштырды.
"Һөнәри белем - һөнәри осталык нигезе" темасына доклад белән Сарман аграр көллиятенең 4 курс студенты, “профессионаллар" чемпионатының Россия чемпионы Газинур Гайнетдинов чыгыш ясады.
Педагогик хезмәткәрләрнең август конференциясенең пленар утырышына Татарстан Республикасы Мәгариф һәм фән министрлыгының милли мәгариф бүлеге башлыгы Энҗе Гыйзатуллина йомгак ясады.
Эштә уңышларга ирешкән укытучылар һәм тәрбиячеләр, коллективлар бүләкләнде. Конференция концерт номерлары белән озата бара.