Сарман муниципаль районының Җәлил шәһәр тибындагы поселогында бөтенроссия өмәсе.

2024 елның 27 апреле, шимбә

Бүген Җәлил шәһәр тибындагы поселогының барлык оешмалары һәм учреждениеләре Бөтенроссия өмәсендә катнашты .

    Яз табигатьнең уяну вакыты гына түгел, ә чисталык һәм тәртип урнаштыру вакыты да. Өмәләрне үткәрү-коллективларның яхшы традициясе.

    Өмәдә катнашучылар урамнарны, паркларны һәм скверларны, учреждениеләр һәм оешмаларга якын территорияләрне, Дан Мемориалын тәртипкә китерделәр, юл кырыйларын, тротуарларны чүп-чардан һәм коры җирдән чистарттылар, җәмәгать урыннарындагы бордюраларны агарттылар. Эштә җыелган чүп-чарны чыгару өчен махсус техника да җәлеп ителгән.