«Мәгънәле»яшь блогерларның беренче республика форумы

Укытучы-китапханәче Нагимуллина Л.Ф. 2-3нче сыйныф укучылары өчен "Сәламәтлек һәм туклану" темасына әңгәмә үткәрде. Балалар дөрес туклану темасы, ризыкны кабул итү кагыйдәләре турында фикер алыштылар, яшелчә һәм җиләк-җимешләрнең файдасы турында сөйләштеләр. Лилия Фәритовна шулай ук балаларга сәламәт туклануга багышланган брошюралар таратты.

18-22 ноябрь көннәрендә мәктәптә традицион көзге психология атналыгы узды

26 ноябрь көнне "Җәлил гимназиясе" ндә Әниләр көненә багышланган искиткеч күңелгә үтеп керә торган концерт үтте! Сәхнәдә талантлы укучылар башкарган назлы җырлар, дәртле биюләр яңгырады, алар әниләргә үз күңелләрен бүләк иттеләр. Бию номерлары гаҗәпләндерде! Тамашачылар алкышлардан тыелып кала алмады. Әниләр көненә багышланган концерт тамашачылар күңелендә якты истәлекләр һәм киләчәккә Илһам калдырды. Аларның һәркайсы ихласлык һәм җылылык белән тулы бу тылсымлы кичнең бер өлешен алып китте. Еракта да якын кешеләргә бәхет мизгелләре тудырырга мөмкин бит.

"Солдатка хат" акциясе. Безнең мәктәпнең 7-9 класс укучылары «Солдатка хат» Бөтенроссия акциясендә актив катнаштылар. Бу акциянең асылы-хәрби һәм гражданлык бурычын үтәүче хәрбиләргә ярдәм итү. Укучылар үзләренең хатларында махсус операциядә катнашучыларга җылы сүзләр белән мөрәҗәгать иттеләр. Хатларында укучылар солдатларга кыюлыклары һәм батырлыклары өчен чын күңелдән рәхмәтләрен, горурлыкларын белдерделәр. Нәкъ менә хәзер аларга әлеге җылы сүзләр бик кирәк. Һәр кеше туган йортыннан, җылы почмагыннан киткәндә, үзләре яраткан, аларны көткән кешеләрдән туган ягыннан хәбәрләр көтә. Ә тормыш белән үлем бер юлдан йөргән алгы сызыкта хат алу-бик кадерле нәрсә! Ә анда, алгы сызыкта бу хатның кемнән булуы мөһим түгел, иң мөһиме ул туган яклардан килгән! Анда яхшы сүзләр, балалар рәсемнәре, сәламәтлек һәм Җиңү теләкләре, тыныч тормыштан матур, изге хәбәрләр язылган.