Җәлилдә Рәхимов Салават Камилевич белән хушлаштылар
Бүген Җәлил бистәсендә Рәхимов Салават Камилевич белән хушлаштылар.
Рәхимов Салават Камил улы 1985 елның 28 июлендә Җәлил бистәсендә туган. 2003 елда 1 нче санлы Җәлил урта мәктәбен тәмамлый, 2003 елның ноябреннән 2005 елның октябренә кадәр армиядә хезмәт итә. 2013 елда Әлмәт нефть техникумын тәмамлаган. Армиядән соң «Җәлилнефть " НГЧИДА оператор булып эшли.
Рәхимов Салават Камилевич махсус хәрби операция зонасына 2022 елның октябрендә контракт буенча килгән иде.
2024 елның 29 июнендә хезмәт вазыйфаларын башкарганда батырларча һәлак була.
Сарман районы башлыгы Фәрит Мөнәвир улы Хөснуллин хәрби хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Аның истәлегенә бер минут тынлык игълан ителде.