Бүген Юлтимер авылында яшәүче тыл ветераны Габдрахманова Гайнур Габдрахман кызына 95 яшь тулды. Гайнур апаны гомер бәйрәме белән Сарман муниципаль районы Советы Аппараты җитәкчесе Исмәгыйлова Юлия Равил кызы тәбрикләде, Россия Федерациясе Президенты Владимир Путинның Котлау хатын һәм истәлекле бүләк тапшырды. Юбилярга иң изге теләкләрен Азалак авыл җирлеге башлыгы Илгизәр Габделгазизов һәм район социаль яклау булеге начальнигы Лилия Гыйльметдинова , КЦСОН "Шафкать" начальнигы Ландыш Мухлисуллина да җиткерделәр. Гайнур апаны гомер бәйрәме белән шулай ук туганнары һәм якыннары котладылар

Бүген православие динен тотучылар гыйбадәтханәләрдә Раштуа бәйрәменә җыелалар, бу бәйрәм безнең җаннарыбызны җылыта, яхшылыкка, мәрхәмәтлеккә, якыннарыбызга чын мәхәббәткә ышанычны ныгыта.   Сезне чын күңелдән Мәсихнең якты Раштуасы белән котлыйм.   Киләсе елда һәр йортта тынычлык һәм татулык, уңайлылык һәм муллык булсын, ә эшләрдә Бәхет булсын. Һәр гаиләдә иң кадерле хыяллар тормышка ашсын, бары тик якты һәм шатлыклы вакыйгалар гына булсын. Барыгызга да сәламәтлек, тынычлык һәм иминлек телим.

Бүген Җәлил бистәсендә махсус хәрби операциядә катнашкан Мозамир Мөнир улы Исрафилов белән хушлаштылар. Сарман муниципаль районы Башкарма комитеты җитәкчесе Фәндәс Әнәс улы Вәлиев хәрби хезмәткәрнең якыннарын югалту ачысын Сарман муниципаль районы башлыгы Фәрит Мөнәвир улы Хөснуллин исеменнән уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Сугышчы истәлегенә бер минут тынлык игълан ителде.

Яктылыкны кире кайтара торган элементлар яктыртылмаган юлда җәяүлеләрнең күз күремен арттыра, алар катнашында юл - транспорт һәлакәтләре килеп чыгу куркынычын сизелерлек киметә. Яктылыкны кире кайтара торган элементлар безне зәгыйфь итмәячәк, әмма күренеп китәргә ярдәм итәчәк. Ләке төп гомуми белем бирү мәктәбенең ЮИД отряды әгъзалары барысына да куркынычсызлык турында кайгыртырга, юлда сезне ныграк сиздерерлек барлык атрибутларны алдан уйлап куярга киңәш итә. Машина йөртүчегә сезне күрергә ирек бирегез! Үзегезне саклагыз!