Сарман урта гомуми белем бирү мәктәбе базасында шахмат буенча турнир узды.
Сарман урта гомуми белем бирү мәктәбе базасында шахмат буенча турнир узды. Чарада "Шахмат" өстәмә белем бирү программасы буенча дәресләргә йөрүче укучылар һәм әлеге уенны яратучылар катнашты. Турнир балаларда зур кызыксыну уятты. Уеннар барышында балалар көндәшләренә яхшы мөнәсәбәттә булдылар һәм башкаларның уңышсызлыклары өчен борчылдылар. Җиңүчеләр үзләренең шатлыклы хисләрен яшермәгәннәр. Укучылар, көндәшләре белән көрәшеп, шахмат уенының күптөрле һәм беренче күрүдә күренгәнчә гади булмавын күрсәттеләр.
Уен тәмамланганнан соң «Үсеш ноктасы» үзәге җитәкчесе Салихов Ф.А., шахмат буенча өстәмә белем бирү педагоглары Шәйхетдинов и. А. һәм Шакиров Э. Г. ярышларга йомгак ясадылар һәм җиңүчеләргә дипломнар, татлы призлар тапшырдылар. Җиңүчеләрне һәм катнашучыларны котлыйбыз!