27 гыйнварда Җәлил бистәсенең мәдәният сараенда Сарман районы Башлыгы Ф.М. Хөснуллин һәм Сарман муниципаль районы белгечләре катнашында 2024 елга йомгаклау җыелышы узды. Җыелышта мәгариф, сәламәтлек саклау һәм бистәне төзекләндерү өлкәләрендә 2024 нче елга йомгак ясалды. Мәктәп һәм балалар бакчалары коллективлары Ватанны саклаучылар елына багышланган күргәзмә оештыруда катнашты. Җыелышта Җәлил бистәсе Советының Рәхмәт хаты белән "Алёнушка" балалар бакчасы пешекчесе Габидуллина М.Г. бүләкләнде! Аны чын күңелдән котлыйбыз һәм алга таба уңышлар телибез!