"Россия чаңгы юлы - 2025"
Сарман муниципаль районы мәктәпләре укучылары һәм гомуми белем бирү учреждениеләре педагоглары "Россия чаңгы юлы - 2025"Бөтенроссия чаңгы ярышында катнаштылар. Кышкы спорт төрләрен популярлаштыру һәм сәламәт яшәү рәвешен пропагандалау кысаларында узган чара чаңгы трассасында йөздән артык кешене җыйды.Ярышлар башлангыч сыйныф укучыларыннан алып тәҗрибәле чаңгычыларга кадәр төрле яшь категорияләрендә үткәрелде. Җиңүчеләр һәм призерлар ярышны оештыручыларның медальләре һәм грамоталары белән бүләкләнделәр."Россия чаңгы юлы" нда үзләре генә катнашып калмыйча, укучыларын ярышларга да әзерләгән физик культура укытучылары аеруча активлык күрсәтте. "Россия чаңгы юллары" Сәламәт буын формалаштыруда физик культураның мөһимлеген раслап, бөтен Сарман районы өчен чын спорт һәм сәламәтлек бәйрәменә әверелде! Катнашуыгыз өчен рәхмәт!