15 нче февраль – Россиядә интернационалист сугышчыларны искә алу көне итеп үткәрелә. Алар Әфганстан җирлегенә барып, чүлләр,таулар арасында сугышкан, Безнең Сарайлы авылыннан бу сугышта Зөлкәрнәев Рәшит Касыйм улы катнашкан. Сарайлы балалары аның янында кунакта булдылар. Уз куллары белән ясаган бүләкләрен тапшырдылар. Рәшит абый, сабыйларга, имин дөньяларда тыныч күңел белән яшәргә язсын-, дип теләкләрен җиткерде. Беребезнең дә бу кайгылы көннәрне онытырга хакы юк.