Музей яңалыклары: "Утлы еллар кайтавазы" проектын тормышка ашыру

«Җәлил гимназиясе» МБГББУ Луганск Халык Республикасының Лисичанск һәм Рубежное шәһәрләреннән балалар өчен гуманитар ярдәм җыю буенча хәйрия акциясендә актив катнаша. Гимназистлар һәм педагоглар бәйрәм сюрпризлары әзерләп, Яңа ел алдыннан игелек һәм җылылык атмосферасы тудырып, инициатива һәм кайгыртучанлык күрсәтәләр.

25 нче ноябрь көнне, яраткан гимназиябезнең туган көнендә, беренче сыйныф укучыларын гимназистлыкка багышлау тантанасы булды. Бу бәйрәм балаларның гимназиянең зур гаиләсенә керүен символлаштыручы күркәм традициягә әверелде.

Бүген Казанда Сарман муниципаль районы Башлыгы Фәрит Мөнәвир улы Хөснуллин Татарстан Республикасы Рәисе Рөстәм Нургали улы Миңнеханов катнашында «Татарстанның эшлекле хезмәттәшләре» XVIII форумында катнаша. Чарага 10 илдән, Россиянең 60 төбәгеннән 400дән артык эшмәкәр җыелды. Катнашучылар салым сәясәте, ташламалар, субсидияләр, кредит сәясәте программалары, ислам банкингы, шулай ук социаль-икътисадый үсешнең төп юнәлешләре, инвестицион мөмкинлекләр һәм хезмәттәшлек перспективалары турында фикер алышачаклар.

25 нче ноябрь көнне Локмановлар гаиләсе бергә гаилә корып яши башлауларына 60 ел, бриллиант туйларын, бергә гомер итүләрен билгеләп үттеләр. Өйләре озак елларга уңайлы һәм җылы булып калсын, туганнарының, якыннарының җылысы, кайгыртучанлыгы, игътибары белән тулсын. Аларны истәлекле гомер бәйрәмнәре белән Азалак авыл җирлеге башлыгы И.Г.Габдулгазизов тәбрикләде, изге теләкләрен җиткереп, Сарман муниципаль район Башлыгы Фәрит Мөнәвир улы Хөснуллинның Рәхмәт хатын һәм истәлек бүләген тапшырды. Юбиляр гаиләне "ТАТМЕДИА" ОАО филиалы җитәкчесе Сабирова Альбина Әшрафулла кызы, авыл ветераннар советы рәисе Мөҗәллия Фәрлукшина, балалары, кияү-киленнәре тәбрикләделәр. Юбилярларга ныклы сәламәтлек, тигезлек, куанычлы тормыш теләделәр.