«КАРАКУЗ» Этно-Модерн фестиваленә рәхим итегез!
Милләтара бердәмлекне ныгыту һәм рухи-әхлакый кыйммәтләрне үстерү максатыннан, «Татнефть» компаниясе 2025 елның 18 июленнән 3 августына кадәр Әлмәт шәһәре территориясендә «Каракуз» этно-модерн фестивален оештыра.
«Каракуз» фестивале Татарстан Республикасы халыкларының этник мирасын популярлаштыруга һәм үстерүгә юнәлдерелгән киң колачлы мәдәни вакыйга булып тора. Фестиваль программасы кысаларында концерт, театр чаралары, иҗади резиденцияләр, ачык лекцияләр, мастер-класслар, шулай ук креатив индустрия вәкилләре катнашында эшлекле программа планлаштырылган.
Фестивальнең төп концепциясе-милли мәдәниятнең традицион формаларын заманча сәнгать, технологияләр һәм дизайн элементлары белән синтезлау. Проектны гамәлгә ашыру мәдәни диалогны ныгытуга һәм яшьләр инициативаларына ярдәм итүгә юнәлдерелгән.