МБГББУ "Җәлил гимназиясе" нең яшь физика һәм математика укытучысы физика-математика профиле укытучыларына ярдәм итү программасы грантын отты
Татарстан Республикасы Рәисе Рөстәм Миңнеханов хуплавы һәм ярдәме белән Татарстанда төгәл фәннәрне популярлаштыру өчен 2025 елда «Физика-математика алгарыш» масштаблы мәгариф проекты узды, аны Татарстан Республикасы Мәгариф һәм фән Министрлыгы һәм Иннополис Университеты бергәләп гамәлгә ашыра. МБГББУ "Җәлил гимназиясе" нең яшь физика һәм математика укытучысы Габделхакова Рәзилә Ришат кызы «Физика-математик алгарыш» республика проекты конкурсында җиңүчеләр рәтенә керде. Ул Татарстан Республикасының талантлы физика, математика һәм информатика педагогларына ярдәм итүгә юнәлдерелгән абруйлы грантка лаек булды. Мондый әһәмиятле грант алу "Җәлил гимназиясе"ндә укытучының квалификациясен күтәрү һәм белем бирү процессын камилләштерү өчен менә дигән этәргеч булачак. Бу казаныш шулай ук укытучылар әзерлегенең югары дәрәҗәсен һәм гомумән мәгариф оешмасының уңышларын ассызыклый. Укытучы коллеганы лаеклы җиңүе белән котлыйбыз!