Олы Нөркәй урта мәктәбендә мавыктыргыч чара- «Югалган ноталарны эзләп» музыкаль квесты узды .
Бүген, Олы Нөркәй урта гомуми белем бирү мәктәбенең тәрбия һәм балалар иҗтимагый берләшмәләре белән хезмәттәшлек буенча директор киңәшчесе Әхәтова Л .Ф. укучылар өчен мавыктыргыч чара — «югалган ноталарны эзләп» музыкаль квесты үткәрде. Балалар билгеле бер вакыт эчендә җиде музыка станциясе буенча биремнәр үтеп ярыштылар. Алар көйләр буенча җырлар чиштеләр, алып баручы артыннан ритмнарны кабатладылар, музыкаль табышмакларны чиштеләр, музыка коралларын таныдылар, музыка өлкәсендәге белемнәрен күрсәттеләр, оркестр җыйдылар һәм бөтен команда белән музыка попурриена биеделәр. Станцияләрдә сынауларны уңышлы узган өчен командаларга ноталар бирелгән, аларны укучылар маршрут битенә ябыштырган. Балалар музыка колагын, ритм тойгысын һәм музыканы йөрәкләре белән кабул итә белүне үстерүгә юнәлдерелгән биремнәрне үтәп, иҗат һәм сәнгатьнең мавыктыргыч атмосферасына чумдылар. Һәр катнашучы үзенең уникаль илһам һәм иҗат нотасын тапты.