«Экстремизм һәм террорчылыкны профилактикалау» һәм «Радикаль субкультураларны профилактикалау» социаль реклама конкурсына йомгак ясалды
Жюри «Экстремизм һәм террорчылыкны профилактикалау» һәм «Радикаль субкультураларны профилактикалау» социаль реклама конкурсына йомгак ясады.
Социаль реклама конкурсы халыкның экстремизм һәм террорчылыкны профилактикалау проблемалары турында хәбәрдәрлеген арттыру, шулай ук радикаль субкультураларның таралуын булдырмау максатында үткәрелде. Конкурс җәмәгатьчелек игътибарын толерантлык һәм үзара аңлашу культурасын формалаштыруның мөһимлегенә җәлеп итүгә юнәлдерелгән.
Конкурс номинацияләр буенча үткәрелде:
1. «Иң яхшы плакат (баннер)» - экстремизм һәм террорчылыкны профилактикалауга юнәлдерелгән график материал булдыру.
2. «Иң яхшы мәгълүмәти листовка» - радикальләшүне булдырмау турында мөһим мәгълүмат булган листовкалар эшләү.
3. «Иң яхшы видеоролик»-экстремистик идеологияләргә тискәре мөнәсәбәт формалаштыруга юнәлдерелгән видеороликлар булдыру.
Бүләкләү тантанасын район башлыгының коррупциягә каршы көрәш буенча урынбасары Альмухаметова Гөлнара Габделхак кызы мәдәният бүлеге җитәкчесе Латыйпова Гөлназ Гыйльүс кызы белән бергә үткәрде. Алар район яшьләренең гражданлык аңын үстерүдә, тискәре тенденцияләрне булдырмауда һәм яшьләрне Ватанга мәхәббәт һәм законнарны үтәү рухында тәрбияләүдә мондый чараларның аерым ролен ассызыкладылар.
Барыгызга да катнашулары өчен рәхмәт белдерәбез, җиңүчеләрне котлыйбыз һәм киләчәктә дә уңышлар, кызыклы идеяләр һәм илһам телибез!