Татарстан Республикасы Авыл хуҗалыгы һәм азык-төлек министрлыгының йомгаклау коллегиясе

Безнең балалар бакчасында 3-7 яшьлек балалар арасында " Мин, син, ул, ,без - бердәм ил!» дигән бәйге үтте. Оештырылган чара балаларда Ватанга, Россиянең күпмилләтле халкының гореф-гадәтләренә һәм мәдәниятенә хөрмәт тәрбияләүгә юнәлдерелгән укыту-тәрбия процессының бер өлеше булып торды. Барлык балалар халыклар бердәмлегенә, илнең бердәмлегенә һәм милли горурлыкка багышланган шигъри әсәрләрне сәнгатьле итеп укыдылар. Конкурста җиңүчеләр һәм призерлар учреждение җитәкчелегеннән лаеклы дипломнар алдылар. 

Бакчабызда халкыбызның каһарман шагыйре Муса Җәлилнең тууына 120 ел тулу уңаеннан искиткеч күркәм һәм эчтәлекле искә алу кичәсе үткәрелде. Чара барышында тәрбияләнүчеләребез шагыйрьнең иҗаты белән якыннан таныштылар: Муса Җәлилнең балалар өчен язылган әсәрләрен сәхнәләштерделәр, аның үлемсез шигырьләрен сөйләделәр, шагыйрь сүзләренә язылган җырларны башкардылар. Кичә аеруча җанлы үтте, чөнки ул татар халык уеннары белән үрелеп барды. Шагыйрьнең тормыш юлы һәм каһарманлыгы турындагы мәгълүматлар балалар күңелендә соклану хисләре уятты. Тәрбияләнүчеләребез бистәбезнең Муса Җәлил исемен йөртүе үзе бер горурлык икәнен дә аңладылар. Бу чараны югары дәрәҗәдә, чын осталык белән оештырган тәрбиячеләребезгә чиксез рәхмәтебезне белдерәбез! Сез балалар күңеленә матурлык һәм туган телгә мәхәббәт орлыклары чәчәсез. Мондый педагоглар булганда, безнең бөек әдипләребезнең исеме мәңге онытылмас, ә аларның иҗаты буыннардан-буыннарга кадерле мирас булып күчәр.

Бүген Сарманда «Старт» чаңгы базасында «Россия чаңгы юлы» Бөтенроссия чаңгы ярышлары кысаларында ГТО нормативлары белән «Татарстан чаңгы юлы»массакүләм йөгереше узды. Ярышларда катнашучылар төрле яшь категорияләренә бүленгән, шулай ук «Өченче яшь» йөгереше дә булган. Йөгерүләр катгый рәвештә ГТО нормативлары нигезендә оештырылды. Тантаналы ачылышта Сарман муниципаль районы Башкарма комитеты җитәкчесе Фәндәс Вәлиев, «Старт» спорт мәктәбе директоры Илнар Хәбибуллин катнашты. Һәр яшь категориясендә җиңүчеләр һәм призерлар грамоталар һәм медальләр белән бүләкләнделәр. Чаңгы юлында иң тәҗрибәле һәм иң яшь катнашучыларга «Бердәм Россия»партиясенең җирле бүлекчәсе призлары тапшырылды.