Муниципаль районнар Сарман муниципаль районы

21 февраль – Халыкара туган тел көне!

2026 елның 21 феврале, шимбә

Туган тел һәркем өчен дә газиз сүз бу. Чөнки иң кадерле, бернәрсә белән дә алыштырылмый торган “әни”, “әти”, “әби”, “бабай” сүзләрен башлап туган телдә әйтәбез. Туган үскән ил- җирнең якынлыгын Ватанның газизлеген без туган тел ярдәмендә тойганбыз. Шагыйрьләребезнең матур-матур шигырьләрен ятлап, әле дә куанабыз, рухланабыз.
Әлеге дата уңаеннан мәктәпләрдә төрле чаралар оештырылды.
Хөрмәтле милләттәшләр, кадерле дуслар! Барыгызны да халыкара туган тел көне белән котлыйбыз. Татар халык мәкале: “Туган телне кадерләгән халык кадерле булыр”, – ди. Туган телләребезне саклыйк, яклыйк, чөнки милләтнең яшәешендә туган тел иң мөһим урыннарның берсен алып тора.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

февраль, 2026 ел

«Лилия» балалар бакчасында Ватанны саклаучылар көненә багышланган спорт чаралары узды.

«Алтын туй» тормышта бер генә тапкыр

Җәлил поселогында Фәттаховлар гаиләсен котлау тантанасы булды. Илшат Сәгъди улы һәм Гаҗилә Кәрам кызы истәлекле датаны — бергә яшәүләренең 50 еллыгын, алтын туйларын билгеләп үтәләр. Ярты гасыр мәхәббәт һәм татулыкта яшәү-бу ир белән хатынның шәхси бәхете генә түгел, ә гаилә кыйммәтләрен саклауга да зур өлеш кертү. Аларның гаилә союзы Җәлил поселогында үрнәк булып санала, яшь буын өчен лаеклы үрнәк булып тора. Бу истәлекле көндә юбилярларны Советының оештыру эше бүлеге начальнигы Абрарова Д.Ф.һәм ГХАТ бүлегенең әйдәп баручы белгече Исмәгыйлова Р.Р. котладылар. Кунаклар Рәхмәт хаты һәм истәлекле бүләкләр тапшырып, шәһәр тибындагы Җәлил поселогы муниципаль берәмлеге башлыгы Кәримов Р.А. котлау сүзләрен җиткерделәр. Илшат Сәгъди улы һәм Гаҗилә Кәрам кызы Фәттаховларга ныклы сәламәтлек, иминлек, туганнары һәм якыннары янәшәсендә озын гомер телибез. Сезнең өегездә һәрвакыт тынычлык һәм үзара аңлашу булсын!

Җәлил поселогында тыл хезмәтчәненең туган көне белән котлау

Үзенең туган көнен Җәлил поселогында яшәүче, хезмәт ветераны һәм тыл хезмәтчәне Туктарова Руза Миргаҗәм кызы билгеләп үтә. Бу истәлекле көнне бәйрәм шатлыгын Җәлил поселогы Советының оештыру эше бүлеге начальнигы Абрарова Д.Ф. һәм Җәлил поселогы ветераннар советы рәисе Минһаҗева А.Г. уртаклаштылар. Кунаклар аңа сугыш елларындагы фидакарь хезмәте өчен рәхмәт белдерделәр һәм ныклы сәламәтлек, гаилә иминлеге, туганнары һәм якыннары янәшәсендә игътибарлык теләделәр. Россия Федерациясе Президенты Владимир Путинның исемле котлау открыткасын һәм Татарстан Республикасы Рәисе Рөстәм Миңнехановның азык-төлек пакетын тапшыру аерым игътибар билгесе булды, ул истәлекле бүләк белән бергә тапшырылды. Руза Миргаҗәмовнаның хезмәт батырлыгы һәм ныклыгы белән тулы тормыш юлы үсеп килүче буын өчен лаеклы үрнәк булып тора. Ул кунакларга игътибар һәм кайгыртучанлык күрсәткәннәре өчен рәхмәт белдерде.

ЯҢАЛЫКЛАРГА ЯЗЫЛУ