Соңгы кыңгырау Морад Рәмзи исемендәге Әлмәт урта гомуми белем бирү мәктәбендә

2026 елның 26 мае, сишәмбе

Морад Рәмзи исемендәге Әлмәт урта гомуми белем бирү мәктәбендә 26 май көнне 9 һәм 11 сыйныф укучылары өчен соңгы кыңгырау яңгырады. Тантаналы чара балаларның мәктәптәге күңелле истәлекләре белән бәйләнгән мәктәп территориясендә узды. Укучылар матур чыгышлар әзерләделәр, укытучыларга һәм ата-аналарга ярдәмнәре һәм кайгыртулары өчен рәхмәт белдерделәр, киләчәккә планнары белән уртаклаштылар.

Бәйрәм чарасына кунаклар да килде: мәгариф бүлеге өлкән методисты Фәррахова Резеда Фирдәүс кызы, авыл җирлеге башлыгы Газизов Данияр Әнвәр улы, Әлмәт авылы хәзрәте Тимербаев Нияз Мизхәт улы, Сарман районы мөхтәсибе Хаков Рамил Габделхәй улы.