Россия Эчке эшләр министрлыгының Сарман районы буенча бүлеге 18 яшьтән 55 яшькә кадәрге Россия Федерациясе гражданнарын полициягә хезмәткә чакыра

1-2 нче август көннәрендә Мортыштамак авылында зур эш - зират коймасын алыштыру өмәсе үтте. Бу эш үзара салым хисабына алынган материаллар белән башкарылды.  Бу изге эштә үз өлешен керткән һәрбер авылдашыбызга, эшне оештыручыларга зур рәхмәтебезне белдерәбез.  Бердәмлегегез өчен рәхмәт! 

Бүген Сарман муниципаль районы Башлыгы Фәрит Мөнәвир улы Хөснуллин гражданнарны кабул итте. Кабул итү атна саен сишәмбе көнне 14.00 сәгатьтә алып барыла, алдан язылу өчен телефон: 2-42-75.

2026 елның 19 августында 11.00 сәгатьтән 13.00 сәгатькә кадәр Татарстан Республикасы Рәисенең гражданнар мөрәҗәгатьләре белән эшләү идарәсе башлыгы Роза Рифкать кызы Килкиева шәхсән гражданнарны кабул итәчәк. Үткәрү урыны: Татарстан Республикасы, Сарман муниципаль районы, Сарман авылы, Ленин ур., 35 йорт, кече утырышлар залы. Кабул итүгә язылу өчен телефон: +7 (843) 264-16-16.

Сарман муниципаль районы Башлыгы Фәрит Мөнәвир улы Хөснуллин хәзерге вакытта кыска вакытлы ялда булган «Монгол» һәм «Самара» позывныйлары булган махсус хәрби операциядә катнашучылар белән очрашты. Хәрби хезмәткәрләр хезмәт турындагы тәэсирләре белән уртаклаштылар, көнкүреш һәм көндәлек бурычлар турында сөйләделәр. Фәрит Мөнәвирович сугышчыларга тизрәк исән-сау әйләнеп кайтуларын теләде!