ЯҢАЛЫКЛАР
Гаилә елы, оборона-массакүләм, спорт һәм патриотик эш айлыгы һәм «Мәктәптә Футбол» Бөтенроссия фестивале кысаларында «Әти һәм мин – футбол гаиләсе» исемле гаилә футбол матчы узды.
Бүген Сарман авылында яшәүче Шакирҗанова Ханияга 100 яшь тулды. Район башлыгы Фәрит Хөснуллин юбилярны котлады, Россия Федерациясе Президенты Владимир Путинның, Татарстан Республикасы Раисының котлау хатларын, чәчәкләр һәм истәлекле бүләк тапшырды. Район социаль яклау бүлеге башлыгы Лилия Гыйльметдинова, "Шәфкать" үзәге директоры Ландыш Мөхлисуллина, Сарман авыл җирлеге башлыгы Лилия Шәрипова, якыннары котлауларга кушылдылар һәм озак гомерле хатынга сәламәтлек теләделәр.
14 февральдә билгеләп үтелә торган Халыкара китап бүләк итү көненә багышланган "Китапны яратып бүләк ит- 2024" сигезенче гомумроссия акциясе старт алды. Мортыштамак мәктәбе хезмәткәрләре балаларны һәм өлкәннәрне дусларына һәм туганнарына китаплар бүләк итәргә яки китапханәгә алып килергә чакырдылар. Китап һәрвакыт дәрәҗәле бүләк булды һәм булып кала. Һәм бу бүләкне барыбызда көтеп ала. Яңа, кызыклы, матур китап уку - теләсә кайсы бала өчен шатлык. Балаларга шатлык өләшегез! Китапларны яратып бирегез!
Җыр һәм моң бәйрәме - бөек якташыбыз Илһам Шакировның истәлегенә багышланган"Илһам чишмәсе" IV төбәкара җыр бәйгесе булып узды Сарманыбызда.
Елдан-ел бәйгенең географиясе арта, быел жюри әгъзаларына 250 җырчыны бәяләргә туры килде👆
Быел исә 15 яшьлек Алабуга егете Ильяс Сәләхов гран-прига ия булды!
Бүген Совет утырышлар залында "Минзәлә елгасы бассейны татар авыллары һәм мәчетләре тарихы: үткән һәм хәзерге заман"республика конференциясе узды. Район башлыгы Фәрит Хөснуллин исеменнән башкарма комитет җитәкчесенең социаль мәсьәләләр буенча урынбасары Индира Сәхипова чарада катнашучыларны һәм кунакларны: дини берләшмәләр вәкилләрен, тарих укытучыларын һәм туган якны өйрәнүчеләрне сәламләде.
6-9 сыйныф укучылары өчен Совет гаскәрләрен Әфганстаннан чыгарылуның 35 еллыгы уңаеннан Батырлык дәресе үткәрелде. Чара барышында укучылар Әфганстан тарихы, бу илдә яшәүче кешеләр турында мәгълүмат алдылар. Совет гаскәрләренең 10 ел дәвамында Әфганстан территориясендә булу сәбәпләре, солдатлар һәм офицерларның батырлыгы, кыюлыгы турында ишетеп белделәр. Әфганстанда хезмәт иткән якташыбызның биографиясе белән шәхси хатлары аша таныштылар.
15 февраль көнне, башлангыч сыйныф укучылары һәм мәктәпкәчә төркемдә тәрбияләнүчеләр өчен Герой шагыйрь Муса Җәлилнең тууына 118 ел тулу уңаеннан, аның иҗатына багышланган класс сәгате үтте. Укучылар шагыйрьнең балалар өчен язган шигырьләре, китаплары белән таныштылар. Муса Җәлилнең иҗаты буенча ясалган иллюстрацияләр балаларда аеруча зур кызыксыну уятты. Соңыннан алар шагыйрьнең тормышында булган мөһим вакыйгаларга багышланган презентация буенча белемнәрен баеттылар.
Азалак авыл җирлегенең Юлтимер авылында Украинада махсус хәрби операция барышында һәлак булган сугышчы Камалов Ленар Касыйм улының каберенә венок салынды. Махсус хәрби операция барышында хәрби бурычын үтәгәндә күрсәткән батырлыгы өчен, Россия Федерациясе Президенты Владимир Владимирович Путинның 2023 елның 16 мартындагы Указы нигезендә Камалов Ленар Касыйм улы үлгәннән соң Батырлык ордены белән бүләкләнде. Без барыбыз да сугыш булмавын, барыбызга да якты кояш һәм чиста күк йөзе телибез
15 нче февраль көнне гимназиябездә герой-шагыйрь Муса Җәлилнең тууына 118 ел тулуны билгеләп үттек. 7 нче сыйныф укучылары белән “Җәлил рухы һәрчак күңелдә”, 6 нчы сыйныф укучылары белән “Мусалар-үлемсез, Мусалар-мәңгелек!” темаларына төрле чаралар үткәрелде. Бу чараларда укучыларыбыз бик теләп катнаштылар һәм үзләренең М.Җәлилнең тормышы һәм иҗаты белән кызыксынуларын күрсәттеләр.
«Җәлилнефть» Хезмәт даны музеенда Муса Җәлилнең тууына 118 ел тулуга багышланган «Намус һәм батырлык символы» әдәби-музыкаль кичәсе узды. Шагыйрьнең уникаль иҗаты барлык буын кешеләренең авызында. Аның шигырьләре халыкка карата мәхәббәт белән тулы, алар үткен, аларда авырту, өметсезлек һәм җылылык, һәрберсендә сүз һәм гамәлнең бердәмлеге чагыла. Боларның барысын да М.Җәлил шигырьләрен укыганда мәктәп укучылары – конкурсның мәктәп этабында җиңүчеләр искиткеч итеп җиткерә алдылар. Шагыйрьнең иң яхшы шигырь укучылары дипломнар һәм истәлекле бүләкләр белән бүләкләнделәр. Алар арасында Җәлил гимназиясе укучылары Шәфигуллин Раил, Фәрәхетдинова Азалия, Зиннәтуллина Залина һәм Мәүлетов Даниэль бар. Котлыйбыз!