ЯҢАЛЫКЛАР
10 ноябрь көнне район инвалидлар җәмгыятенең чираттагы пленум утырышы булып узды. Утырышны оешма рәисе Харисов Асыляр Мөнәвир улы алып барды. Җыелышта район Башкарма комитеты җитәкчесенең социаль мәсьәләләр буенча урынбасары Индира Сәхипова, социаль яклау бүлеге җитәкчесе Лилия Гыйльметдинова, "Шәфкать" халыкка социаль ярдәм күрсэтү үзәге директоры Ландыш Мөхлисуллина, мәшгульлек узәге директоры Гөлнара Хәйбрахманова катнаштылар. Көн тәртибендэ инвалидлар декадасы, аларның көн-күрешләре сораулары күтәрелде.
- 5 ноябрьдән 7 ноябрьгә кадәр Казан шәһәренең «Байтик» сәламәтләндерү - белем бирү комплексында Татарстан Республикасының яшь натуралистлары слеты узды . Республиканың төрле районнарыннан 250дән артык егет экология өлкәсендәге проектларын тәкъдим итте. Өч көнлек белем бирү-күңел ачу программасы кысаларында алар фәнни-тикшеренү проектларын яклыйлар, мастер-классларда һәм семинарларда булалар, квестларда һәм уеннарда көрәшәләр. Конкурс лауреатлары
» Туган як экологиясе " 8А сыйныф укучысы Галиев Аяз һәм 5А сыйныф укучысы Галиева Лилия проект җитәкчесе Шәяхмәтова Рима Мөбарәк кызы булды.
"Җәлил гимназиясе" нең 11 сыйныф укучысы Әлкәева Карина Л.Н.Толстой исемендәге XXI Республика фәнни - гамәли конференциясендә катнашты һәм 3 нче дәрәҗә диплом алды.Котлыйбыз!
Ел саен ноябрьнең икенче атнасы дөньяда Бөтендөнья сыйфат атнасы буларак билгеләп үтелә, ә ноябрьнең икенче пәнҗешәмбесе Бөтендөнья сыйфат көне буларак билгеләп үтелә. 2023 елда Бөтендөнья сыйфат атналыгы «Россия - сыйфат билгесе булган ил» девизы астында уза һәм 7-10 ноябрьдә, ә сыйфат көне - 2023 елның 9 ноябрендә узачак. Честный знак 2017 елда Россия Федерациясендә барлыкка килгән продукцияне маркировкалау инициативасы. Бу товарларны мәҗбүри идентификацияләүнең масштаблы системасы, ул җитештерүчедән яки импортердан соңгы кулланучыга кадәр юлны күзәтергә мөмкинлек бирә. Программаның төп максаты-ялган һәм начар сыйфатлы продуктлар белән көрәшү.
Район башлыгы Фәрит Хөснуллин эчке эшләр министрлыгының Сарман районы бүлеге хезмәткәрләрен һөнәри бәйрәмнәре - Россия Эчке эшләр органнары хезмәткәрләре көне белән котлады.
Хөрмәтле полиция хезмәткәрләре, хокук саклау органнары ветераннары!
Сезне һөнәри бәйрәмегез – Эчке эшләр органнары хезмәткәрләре көне белән котлыйм.
Хезмәтегез зур ихтирамга лаек. Сез гомерегезне мөһим һәм җаваплы эшкә – гражданнарның хокукларын һәм законлы мәнфәгатьләрен яклауга, җәмәгать тәртибен саклауга, җинаятьчелеккә каршы көрәшкә багышладыгыз. Районыбызның иминлек сагында торучы полиция хезмәткәрләре алга таба да территориябездәге тынычлыкны һәм тәртипне тәэмин итәрләр дип ышанып калам.
Район иминлеге хакына куйган тырыш хезмәтегез өчен рәхмәт сузләремне юллыйм. Бай хезмәт тәҗрибәләрен яшь буынга җиткерүче хөрмәтле ветераннарга аерым рәхмәт һәм котлау сүзләрем.
Бәйрәм белән котлап, һәрбарчагызга да исәнлек-саулык, ныклы сәламәтлек, эшегездә уңышлар, тынычлык, иминлек телим.
9 нчы ноябрьдә "Җәлил гимназиясе" нең актлар залында 9 нчы һәм 11 нче сыйныф укучыларының ата-аналары өчен ата-аналар җыелышы узды. Җыелышта укытучылар катнашты. Ата-аналар алдында мәгариф бүлеге методистлары Р. Ф. Фәррахова һәм Р. Р. Әхмәтшина чыгыш ясадылар.
Азалак авыл җирлегендә үзарасалым акчаларын кертү һәм файдалану мәсьәләсе буенча халык җыеннары узды. Җирлек башлыгы И.Г.Габдулгазизов башкарылган эшләр һәм 2024 елга планнар турында сөйләде
Район башлыгы Фәрит Хөснуллин "Агросила" АҖ холдингының авыл хуҗалыгы һәм эшкәртү сәнәгате хезмәткәрләре көнен бәйрәм итүгә багышланган тантаналы чарасында катнашты, җитештерү алдынгыларын һәм 2023 елгы урып-җыю кампаниясе лидерларын Мактау грамоталары һәм Рәхмәт хатлары белән бүләкләде.
Рангазар авыл җирлеге Рангазар авылы зиратында өмә