ЯҢАЛЫКЛАР
25 июнь конне Иске Кэшер авыл жирлегенэ караган Урта Кэшер авылында авылдашлар очрашуы узды.
25 июнь көнне Җәлил бистәсенең Мәдәният сарае мәйданында Яшьләр көненә багышланган бәйрәм чарасы узды.
25 июнь көнне Сарман авылы мәдәният йортында Сарман гимназиясенең чыгарылыш кичәсе булып узды.
"Игелек энергиясе" социаль инициативалар конкурсында ("Татнефть") "детвора" мәктәп интернет - телевидениесе проекты (җитәкчеләре Артур Кашапов һәм Гөлшат Идрисова) 200000 сумлык грантка ия булды. Команда июль аенда Абхазиягә "Джангуль"инклюзив фестиваленә барачак.
Шәһәр тибындагы Җәлил бистәсендә «мәдәни мохит»проекты старт алды. 25 июнь көнне бульварда. Җәлил балалар сәнгать мәктәбе укытучылары М.Җәлил исемендәге балалар сәнгать мәктәбе укытучылары төсле картон һәм клейдан «Африка битлеге» ясау буенча мастер-класс үткәрделәр. Алар балаларга битлекләр барлыкка килү тарихы турында сөйләделәр, эш тәртибен аңлаттылар.
Шәрләрәмә авыл җирлегендә узара салым акчасына зиратларны профнастил белән тышлау дәвам итә. Буген җирлек халкы ярдәме белән койманын баганалары, җепсәлекләре буялды.
Кәүҗияк авылында гомер кичерүче тыл ветераны ГАЙНИМОВ РАИФ ГАЕТ улына бүген 90 яшь тулды. Олуг юбилее белән ветеранны район башлыгы урынбасары Гүзәл Гәрәева тәбрикләде, изге теләкләр белән, Рәсәй Президенты Владимир Путинның котлау открыткасын, район башлыгы Фәрит Хөснуллин исеменнән истәлек бүләге тапшырды. Авыл җирлеге башлыгы Фиргат Хөснетдинов, ветераннар советы рәисе Фәүзимә Шакировада Раиф абыйга, аның гаиләсенә,туганнарына куанычлы тормыш, сәламәтлек, кадер-хөрмәт теләделәр
Яшьләр көне уңаеннан Шәрләрәмәдә волейбол ярышы узды.Яшьләр командасы җиңү яулады.
26 июньдә чыгарылыш сыйңыф укучыларына өлгерлек аттестатларын тапшыру тантанасы булды.
Кадерле яшьләр, хөрмәтле сарманлылар!
Яшьләр көне уңаеннан котлыйм!
Яшьлек – кеше гомеренең иң гүзәл чоры. Кайда яшьлек – шунда кыюлык, инициатива һәм оптимизм.
Районыбыз яшьләре талантлы, эшлекле, энергияле. Сезгә, кадерле егетләр һәм кызлар, зур өметләр баглана. Туган төбәгебезнең, илебезнең бүгенге һәм киләчәк үсеше сезнең актив тормыш позициягезгә бәйле. Сез барлык өлкәләрдә – авыл хуҗалыгы, сәламәтлек саклау, мәгариф, спорт, мәдәнияттә нәтиҗәле эшлисез. Арагызда үз бизнесларын үстерү юнәлешендә эшләүчеләр шактый. Шул ук вакытта районның иҗтимагый тормышында да актив катнашасыз. Барысы өчен дә рәхмәт сезгә!
Республикабызда, районыбызда яшьләрнең тормышын, ялын нәтиҗәле, файдалы итеп оештыру өчен барлык мөмкинлекләр дә тудырылган. Киләчәк сезнең кулда. Шуңа күрә сыйфатлы белем алырга, тырышып эшләргә омтылыгыз.
Бәйрәм белән тагы бер кат чын күңелдән тәбрик итәм, укуыгызда һәм эшегездә зур уңышлар телим. Алга куйган максатларга һәрвакыт ирешергә, бердәм булып һәм матур итеп яшәргә язсын.
Күңелләрегездә изгелек, мәхәббәт, дәрт сүрелмәсен. Сәламәт, бәхетле булыгыз.