ЯҢАЛЫКЛАР
21 нче августта «Җәлил гимназиясе» МБГББУ базасында август конференциясе кысаларында тәрбия эшләре буенча директор урынбасарларының һәм тәрбия һәм балалар иҗтимагый берләшмәләре белән хезмәттәшлек буенча директор киңәшчеләренең район методик берләшмәсе утырышы булды.
Бүген безнең бакчабызның икенче кечкенәләр төркеменә йөрүче балалар Россия Федерациясенең Дәүләт флагы көнен билгеләп үттеләр. Алар безнең илнең символы — Россия флагы белән таныштылар. Балалар тукыманы игътибар белән карадылар, аның ак, зәңгәр һәм кызыл төстәге өч полосадан торганлыгын белделәр. Тәрбияче һәр төснең мәгънәсен аңлатты: ак төс — тынычлык һәм чисталыкны, зәңгәр төс — ышаныч һәм тугрылыкны, кызыл төс-кыюлык һәм батырлыкны символлаштыра. Аннары нәниләр, төрле төстәге кәгазь кисәкләрен бергә кушып, Россия триколорының үз вариантын ясарга тырышып карадылар,. Шулай итеп, яшь тәрбияләнүчеләр дәүләт символикасы турындагы белемнәрен киңәйтеп кенә калмадылар, кулларның вак моторикасын да үстерделәр.
Россия Федерациясе Дәүләт флагы көне алдыннан Сарман авылында тантаналы чара булды, анда Сарман муниципаль районы Башлыгы Фәрит Мөнәвир улы Хөснуллин, оешма-учреждение җитәкчеләре, район халкы һәм кунаклары катнашты.
Фәрит Мөнәвир улы җыелучыларга сәламләү сүзе белән мөрәҗәгать итте, патриотик аң һәм гражданлык тәңгәллеген формалаштыруда дәүләт символларының мөһимлеген ассызыклады.
14 яшькә җиткән егетләргә һәм кызларга паспортлар тапшыру бәйрәмнең үзенчәлекле мизгеле булды. Һәр яшь кеше тормышында әлеге мөһим адым олы тормышка аяк басуны һәм үз иленең киләчәге өчен җаваплылык алуны билгеләде.
Бәйрәм кунаклары өчен иҗат коллективларының концерт номерлары яңгырады, ә балалар өчен мастер-класслар оештырылды.
Сарман муниципаль районы Башлыгы Фәрит Мөнәвир улы Хөснуллин төзелеш һәм капиталь ремонт объектларын карап чыкты, эшләрнең барышы белән танышты, подряд оешмалары вәкилләре белән очрашты.
Бүген Сарман муниципаль районы Башлыгы Фәрит Мөнәвир улы Хөснуллин ТР ГИСУ директоры урынбасары Руслан Айрат улы Ямалтдинов һәм подряд оешмалары катнашында Җәлил бистәсендә җылылык белән тәэмин итү системасын модернизацияләү мәсьәләсе буенча киңәшмә үткәрде.
2025 елның 20 августында Җәлилдә «Чит ил гражданнарын адаптацияләү үзәге» КАО белгече белән Татарстан Республикасының Сарман муниципаль районында яшәүче чит ил гражданнары гаиләләре белән адаптацион очрашу оештырды. Очрашуда Алексей Александрович Пашин да катнашты. Ул мигрантларны һәм эш бирүчеләрне адаптация курсы белән таныштырды һәм аларны кызыксындырган барлык сорауларга җавап бирде.
Урта төркемдә «яшелчә», «җиләк-җимеш»темасына тематик көн үткәрелде. Балалар белән яшелчә һәм җиләк-җимешләрнең файдасы турында әңгәмәләр үткәрделәр, ничек җыелулары һәм ничек сакланулары, җиләк-җимеш һәм яшелчәләрне үз рационыңа куллану алдыннан нинди эшкәртү үткәрергә кирәклеге турында сөйләделәр. Балалар табышмакларны чиштеләр, җиләк-җимеш һәм яшелчәләр турында шигырьләр ятладылар, бармак белән «яшелчәләр» гимнастикасы ясадылар, төрле дидактик уеннар уйнадылар: «тасвирлама буенча бел», «мондый төстәге нәрсәләр була», «җиләк-җимеш җыеп ал», «Сок, варенье, компот». Көн рәсемнәр күргәзмәсе белән тәмамланды. Тәрбияләнүчеләребез «файдалы " теманы үзләштерделәр һәм бик күп уңай эмоцияләр, күтәренке рух һәм сәламәтлек алды
Бүген Иске Кәшер авыл җирлегендә Сарман муниципаль районы прокуроры Алексей Николаевич Панишев гражданнарны кабул итте. Кабул итүдә гражданнар үзләрен кызыксындырган сорауларга җаваплар алдылар.
Бүген Яңа Имян авыл җирлегенең Кутәмәле авылы Советында Сарман муниципаль районы прокуроры Алексей Николаевич Панишев гражданнарны кабул итте. Кабул итүдә гражданнар үзләрен борчыган сорауларга җаваплар алдылар
Бүген Ләшәү Тамак авыл җирлегендә Сарман муниципаль районы прокуроры Алексей Николаевич Панишев гражданнарны кабул итте