ЯҢАЛЫКЛАР
Узган атнада 13 июльдә районда урып-җыю эшләре башланды. Уңыш җыюда катнашкан алдынгы механизаторларны бүләкләү традициясенә тугры калып, район башлыгы Фәрит Хөснуллин, авыл хуҗалыгы һәм азык-төлек идарәсе башлыгы Николай Сахуриев, идарәнең җитештерү бүлеге башлыгы Илнур Салихов бүген беренче җиңүчеләргә премияләр тапшырдылар, эшләрендә уңышлар теләделәр.
18 нче июльдә Колмәт мәдәният йортында «Фольклор дөньясына сәяхәт»уздырылды. Бу чара Бердәм Россия фольклор көненә багышланган иде.Балалар фольклор тарихы, андагы жанрлар белән таныштылар, тиз әйткечләр, табышмаклар, әкиятләр сөйләделәр,уеннар уйнадылар.
18 июль көнне Бөтенроссия фольклор көнендә район мәдәният йорты хезмәткәрләре "Кояшкай" балалар бакчасы балалары белән күңел ачу чарасы үткәрделәр. Балалар татар халык уеннары уйнадылар, биеделәр.
Үҗәтлек, тырыш хезмәт нәтиҗәсе, туган ягыңны ярату хисләре көчле булганлыктан! Шушы сыйфатларны балаларда тәрбияләү, милли мәдәниятебез, гореф-гадәтләребезне саклап, даими, бердәм эшләү нәтиҗәсе ул.
Илһам Шакиров исемен йөртүче, районда үткәрелгән барлык мәдәни чараларның күрке булган, республикабызда оештырылган чараларны, чит өлкә Сабан туйларын гөрләтүче, 2011 елдан эшләп килүче Сарман балалар сәнгать мәктәбе "Умырзая", "Жасмин" балалар бию коллективларын "Үрнәк үзешчән коллектив" исемен алулары белән котлыйбыз.
Алга таба да уңышлар, исәнлек юлдаш булсын!
Бүген район башлыгы Фәрит Хөснуллин төзелеш һәм капиталь ремонт объектларын карап чыкты.
Бүген Сарман районы киноучреждениесе директоры Ринат Мифтахетдин улы Шәрәфетдинов үзенең юбилеен билгеләп үтә.
Район башлыгы Фәрит Хөснуллин Ринат Мифтахетдин улына 60 яшьлек юбилее уңаеннан мәдәният өлкәсендә күпьеллык намуслы хезмәте өчен Мактау грамотасы һәм истәлекле бүләк тапшырды.
"Буыннан-буынга"
15 июльдә Мортыштамак авылы узешчәннәре "Бердәм фольклор көне" Бөтен Россия акциясендә катнашты. "Чишмә" һәм "Гөрләвекләр" фольклор коллективлары татар халкының уен фольклоры белән танышты.
2023 елның 1 гыйнварыннан мәҗбүри пенсия иминиятенә, вакытлыча эшкә сәләтсезлек очрагына һәм ана булу сәбәпле мәҗбүри социаль иминиятләштерүгә, мәҗбүри медицина иминиятенә иминият взносларының бердәм тарифы билгеләнде.
Бүген район башлыгы Фәрит Хөснуллин "Гамбит" исемле хәрби хезмәткәр белән очрашты.
Сугыш шартлары, кирәкле азык-төлек турында сөйләштек. Фәрит Мөнәвир улы Рәхмәт хатлары, истәлекле бүләкләр тапшырды, Чын ир-атны, Ватанының патриотын үстергән хәрбинең әти-әнисенә рәхмәт белдерде!
Бүген Башкарма комитетның мәгариф бүлеге башлыгы Гөлшат Язкаровна Идрисова үзенең туган көнен билгеләп үтә.
Район башлыгы Фәрит Хөснуллин 50 яшьлек юбилее уңаеннан мәгариф системасында күпьеллык нәтиҗәле хезмәте, үсеп килүче буынны укыту һәм тәрбияләү эшенә зур шәхси өлеш керткәне өчен Мактау грамотасы тапшырды һәм истәлекле бүләк бүләк итте.