ЯҢАЛЫКЛАР
Татар Карамалы авылында юлда ясалма тигезсезлекләр урнаштырганнар
Безнең балалар бакчасында өлкән группа балалары үз куллары белән "кечкенә китаплар" ясадылар - бу рәсемнәрне карый гына белгән иң кечкенә мәктәпкәчә яшьтәге балалар өчен китаплар. Мондый китапларда төсле рәсемнәр күп бит. "Нәни китаплар" төзү эше - бик мавыктыргыч шөгыль, ул бала үсешенә комплекслы йогынты ясый
Сарман муниципаль районы Башлыгы Фәрит Мөнәвир улы Хөснуллин төзелеш һәм капиталь ремонт объектларын карап чыкты, эшләрнең барышы белән танышты, подряд оешмалары вәкилләре белән очрашты.
Зур Нөркәй авылы мәдәният йорты каршында эшләп килүче «Зөбәрҗәт» халык фольклор коллективы (җитәкчесе – Илһамия Кутусова) Арча районы Ташкичү авылында үткәрелгән IV ачык «Сөлгеле капка» фольклор фестивалендә катнашты. Ул, уңышлы чыгыш ясап, диплом белән бүләкләнде. Шушы ук фестивальдә «Нөркәем» вокаль-инструменталь ансамбле дә чыгышы белән катнашучыларны сокландырды һәм дипломга ия булды.
Татарстанда җәй дәвам итә! «Татарстанда җәй» һәм «Курше фест» проектлары ярдәмендә Сарман муниципаль районының Сарман авылында Гаяз Исхакый урамындагы йортлар ишегалларында Илдар һәм Альбина Исламовлар концерты узды. Кичә уңай хис-кичерешләр, матур музыка, җылы атмосфера, тәмле ризыклар бүләк итте! Бу онытылмас бәйрәм өчен артистларга һәм тамашачыларга рәхмәт белдерәбез!
«Лилия» балалар бакчасында тәрбияләнүче балалар Светофор янында кунакта булдылар.
Бүген Татарстан Республикасы Зәй районы Чубуклы авылында Латыйпов Илнур Зинар улы белән хушлашу чарасы узды. Латыйпов Илнур зинар улы 2002 елның 23 февралендә Татарстан Республикасының Зәй шәһәрендә туган.
2017 елда Сарман урта гомуми белем бирү мәктәбенең 9 сыйныфын тәмамлаган. 2017 – 2021 елларда «Сарман аграр көллияте» дәүләт аграр һөнәри белем бирү учреждениесендә «авыл хуҗалыгы җитештерүенең тракторчы-машинисты»белгечлеге буенча белем ала. Көллиятне тәмамлаганнан соң 2021 елдан 2022 елга кадәр срочная хәрби хезмәт үтә.
Махсус хәрби операция зонасына 2024 елның 21 мартында контракт буенча киткән.
Атучы Латрейтор Латыйпов Илнур Зинар улы 2025 елның апрелендә Украина, Донецк Халык Республикасы һәм Луганск Халык Республикасы территориясендә махсус хәрби операция үткәрү барышында бурычларны үтәгәндә һәлак булган.
Сарман муниципаль районы Башлыгы урынбасары Гәрәева Гүзәл Рифкать кызы Сарман муниципаль районы Башлыгы Фәрит Мөнәвир улы Хөснуллин исеменнән хәрби хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Сугышчы истәлегенә бер минут тынлык игълан ителде.
Бүген Җәлил бистәсендә Сабиров Марат Фәрит улы белән хушлашу чарасы узды. Сабиров Марат Фәрит улы 1980 елның 13 ноябрендә Яр Чаллы шәһәрендә туган. 1988 елда Әлмәт районы Елхово авылындагы Елхово урта мәктәбенең 1 нче сыйныфына укырга керә, аны 1997 елда тәмамлый.
2003 елдан Әлмәт шәһәренең «Алнас» машиналар төзү заводында КАМАЗ йөртүчесе, аннары ерак араларга йөрүче, соңгы елларда шәһәр базарында эшли. Махсус хәрби операция зонасына 2022 елның 27 октябрендә мобилизация буенча киткән.
2025 елның 8 июнендә мотоукчылар ротасының мотоукчылар взводының мотоукчылар бүлеге өлкән атучысы рядовой Сабиров Марат Фәрит улы Украина, Донецк Халык Республикасы һәм Луганск Халык Республикасы территориясендә махсус хәрби операция үткәрү барышында бурычларны үтәгәндә һәлак булды.
Сарман муниципаль районы Башкарма комитеты җитәкчесе Фәндәс Әнәс улы Вәлиев хәрби хезмәткәрнең якыннарын югалту ачысын Сарман муниципаль районы Башлыгы Фәрит Мөнәвир улы Хөснуллин исеменнән уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Сугышчы истәлегенә бер минут тынлык игълан ителде.
Бүген Сарман муниципаль районы Башлыгы Фәрит Мөнәвир улы Хөснуллин «Мулка» кушаматлы СВОда катнашучы якташыбыз һәм аның гаиләсе белән очрашты.
Ралли-рейд Россия һәм Монголия территорияләре буенча узды, 12 июльдә старт алды һәм 22 июльдә тәмамланды. Без сине, Алмаз, беренче халыкара узышыңда уңышлы чыгыш ясавың белән котлыйбыз! Горурланабызбыз, якташ! Алга таба зур уңыш телибез!