ЯҢАЛЫКЛАР
Бүген Сарман районында «Комбайннар парады»узды. Техниканың торышын Татарстан Республикасы Авыл хуҗалыгы һәм азык-төлек министры урынбасары Рафаэль Мәхмүт улы Фәттахов җитәкчелегендәге җаваплы комиссия карады. Аны Сарман муниципаль районы Башлыгы Фәрит Мөнәвир улы Хөснуллин һәм районның авыл хуҗалыгы һәм азык-төлек идарәсе җитәкчесе Николай Иванович Сахуриев озата йөрделәр. Комиссия составына идарәнең җитештерү бүлеге начальнигы Илнур Хәйдәр улы Салихов, идарәнең механизация буенча консультанты Гөлүс Әнәс улы Фәттахов, «Россельхозцентр» филиалының район бүлеге начальнигы Рамил Мизхәт улы Нәҗметдинов, районның җитештерү комплекслары башкарма идарәчесе Илшат Нәкыйф улы Вәлиев һәм башкалар керде. - Һава яңгырлы, ләкин корылыктан яхшырак. Күрәм, шәһәр халкы быел да икмәксез калмаячак, - диде Рафаэль Мәхмүт улы Фәттахов. Баллар суммасы буенча беренче урынны «Нөркәй» агрофирмасы алды – 68. Җиңүчедән бер баллга артта калган «Җәлил» һәм «Сарман» агрофирмалары икенче-өченче урыннарны бүлештеләр.
Яхшы гадәтләр көнен беренче төркемдә тәрбияләнүчеләр сәламләүдән һәм «әдәпле сүзләр»уеныннан башладылар,җәмгыятьтә үз-үзеңне тотуның элементар кагыйдәләре турында әңгәмә үткәрделәр, «матурлык салоны», «кунакларда» сюжетлы-рольле уеннар оештырдылар, к.Чуковскийның «Мойдодыр» мульфильмын карадылар.
Бүген Сарман муниципаль районы Башлыгы Фәрит Мөнәвир улы Хөснуллин гражданнарны кабул итте. Кабул итүгә язылучылар үзләрен кызыксындырган сорауларга җаваплар алдылар.
Кабул итү атна саен сишәмбе көнне 14.00 сәгатьтә алып барыла, алдан язылу өчен телефон: 2-42-75.
Бүген Россиядә хәрби хәрәкәтләр ветераннары көнен билгеләп үтәләр. Шул уңайдан Сарманның үзәк ял паркында мемориалга чәчәкләр салынды. Чарада Сарман һәм Мөслим районнары буенча хәрби комиссар Дашгын Гасанов, сугыш хәрәкәтләре, төрле гаскәр ветераннары катнашты. Алар сугыш кырларында һәлак булганнарны яки мәңгелеккә инде тыныч вакытта киткәннәрне искә төшерделәр. "Бөтен дөньяда тынычлык булсын!"- диделәр чарада катнашучылар.
2025 елда мәдәният һәм мәгариф өлкәсендәге оешмаларда хезмәт күрсәтү сыйфатына бәйсез бәя бирелә. Хезмәт күрсәтү сыйфатын бәйсез бәяләү хезмәт күрсәтүче оешма турында мәгълүматның ачык һәм аңлаешлы булуы; хезмәт күрсәтү шартларының уңайлылыгы һәм аларны алу мөмкинлеге; хезмәт күрсәтүне көтү вакыты; оешма хезмәткәрләренең яхшы күңеллелеге, әдәплелеге, компетентлыгы; тулаем хезмәт күрсәтү сыйфатыннан канәгатьлек кебек гомуми критерийлар буенча хезмәт күрсәтү шартларын бәяләүне күздә тота. Мәдәният учреждениеләре тарафыннан күрсәтелә торган хезмәтләрнең сыйфатын бәяләүдә түбәндәге сылтама буенча катнашырга мөмкин: https://sarmanovo.tatarstan.ru/opros-grazhdan-o-kachestve-okazaniya-uslug.htm Мәгариф оешмаларында күрсәтелә торган хезмәтләрнең сыйфатын бәяләүдә сылтама буенча катнашырга мөмкин: https://sarmanovo.tatarstan.ru/opros.htm
Сарман 1 нче номерлы «Кояшкай» балалар бакчасының икенче кечкенәләр төркеме балалары дуслык агачы ясадылар
Бүген Мортыш-Тамакс авылында Хәеров Марат Ринат улы белән хушлашу чарасы узды.
Хәеров Марат 1990 елның 25 маенда Әлмәт шәһәрендә туган.
2025 елның 26 гыйнварында контракт төзеде һәм Ватанны сакларга китте. Хаеров Марат Ринат улы 2025 елның 14 апрелендә Украина, Донецк Халык Республикасы һәм Луганск Халык Республикасы территориясендә махсус хәрби операция үткәрү барышында бурычларны үтәгәндә һәлак булган. Сарман муниципаль районы Башкарма комитеты җитәкчесе Фәндәс Әнәс улы Вәлиев Сарман муниципаль районы Башлыгы Фәрит Мөнәвир улы Хөснуллин исеменнән якын хәрби хезмәткәрен югалту ачысын уртаклашты хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Аның истәлегенә бер минут тынлык игълан ителде.
28 нче июнь көнне Җәлил бистәсенең Мәдәният йортында чыгарылыш балы узды. Кадерле чыгарылыш сыйныф укучылары, менә балачагыбыз тәмамланды. Сезгә сезнең алда ача торган барлык мөмкинлекләрне максималь рәвештә файдаланырга телибез. Үз талантларын һәм сәләтләрен тулы куәтенә тормышка ашырырга кирәк. Ирешелгәннәрдә беркайчан да тукталмаска, иң катлаулы сорауларга да җавап эзләргә һәм табарга кирәк. Бәйрәм белән, кадерле чыгарылыш сыйныф укучылары!
«Сарман» кинотеатры бинасында «БЕРДӘМ РОССИЯ» Бөтенроссия сәяси партиясенең Сарман җирле бүлегенең XXXIII конференциясе узды. Көн тәртибендәге төп мәсьәлә –Татарстан Республикасы Сарман муниципаль районы муниципаль берәмлекләренең вәкиллекле органнары депутатлыгына кандидатларны яшерен тавыш бирү юлы белән күрсәтү.
Конференция җирле хакимият органнарына сайлауларда партияне тәкъдим итәчәк кандидатларны раслады. Конференция барышында районның социаль-икътисадый үсешен дәвам итүнең һәм «БЕРДӘМ РОССИЯ» халык программасын гамәлгә ашыруның мөһимлеге ассызыкланды.
Бүген район Советының утырышлар залында Сарман муниципаль районының Наркотикларга каршы комиссиясе утырышы узды. Утырышны Сарман муниципаль районы Башлыгы Фәрит Мөнәвир улы Хөснуллин алып барды.
Көн тәртибенә 3 мәсьәлә кертелгән иде.
Беренче мәсьәлә буенча «Мак-2025» операциясен уздыру чорында ведомствоара хезмәттәшлек бурычлары турында». 2025 елның 6 аенда наркотикларның законсыз әйләнешенә каршы тору эшенең торышы турында" Россия Эчке эшләр министрлыгының Сарман буенча бүлегенең җинаятьчеләрне эзләү бүлеге башлыгы Айдар Азһәм улы Гатиятуллин чыгыш ясады.
Икенче мәсьәлә буенча "Җирлекләрнең кыргый үсемлекләр учакларын юк итү эше турында" Зур Нөркәй авыл җирлеге башкарма комитеты җитәкчесе Әсхәт Нәзхәт улы Сабитов сөйләде.
Көн тәртибендәге өченче мәсьәлә буенча «Наркотикларсыз тормыш» айлыгы нәтиҗәләре турында Сарман муниципаль районы Башкарма комитетының мәгариф бүлеге начальнигы урынбасары Газинур Азгат улы Габидуллин һәм яшьләр эшләре, спорт һәм туризм бүлеге начальнигы Руслан Хәмбәл улы Гыйльфанов сөйләделәр.