ЯҢАЛЫКЛАР

Ноябрьдә почтада югары сезон башлана. Кара җомгада (29 ноябрь) сатулар, шулай ук «11.11» акциясе һәм бәйрәм алды ташламалары традицион рәвештә Татарстанга посылкалар күләмен арттырачак. Мәсәлән, узган елның соңгы ике аенда гына да республика халкы почта җибәрүләрен сентябрь һәм октябрь белән чагыштырганда 56% ка күбрәк алган.

Масштаблы интернет-сатулар алдыннан Россия Почтасы заказларны тиз һәм уңайлы алу турында искә төшерә.

30 нчы октябрь көнне «Сарман» кинотетарында Сарман урта гомуми белем бирү мәктәбе каршында оештырылган лагерьга йөрүче укучылар өчен «Сезон охоты: Супер команда» исемле мультфильм күрсәтелде.

30 октябрь − сәяси репрессия корбаннарын искә алу көне буларак билгеләп үтелә. Шул уңайдан бүген Сарман муниципаль районы Башлыгы Фәрит Мөнәвир улы Хөснуллин аларга барып, күчтәнәчләр биреп, хәлләрен сорашып кайтты. Хәтер – ул кешелекнең узганнарны барлап, яхшыдан яманны аерырга өйрәтеп, киләчәккә алып бара торган юл.

Гаепсез кешеләр турында онытырга хакыбыз юк. Безнең бурыч – ил тарихының куркыныч вакытлары беркайчан да кабатланмасын өчен барысын да эшләү. Һәркем үзенә бирелгән  гомерне,  үзенчә бәхетле яшәп уздырсын иде. Шунысы куанычлы, 105 яшьлек Зәкия апа, Мөслимә апа да бугенге көнгә шөкерана кылып яшиләр. Районның яшәеше белән дә кызыксынып, матур фикерләрен әйтеп җибәрделәр. Без дә аларга сәламәтлек теләп калабыз!

30 октябрьдә Россиядә  Сәяси репрессияләр корбаннарын искә алу көне билгеләп үтелә. Ул катлаулы һәм каршылыклы тарихыбызның дәһшәтле һәм куркыныч елларын исебезгә төшерә.

            2024 елның 29 октябрендә Сарман муниципаль районы Советының бюджет-финанс мәсьәләләре, җирле салымнар һәм җыемнар буенча Даими комиссиясе утырышы булды. Комиссия әгъзалары Сарман муниципаль районының 2025 елга һәм 2026-2027 елларның планлы чорына бюджет проектын карадылар. Депутатлар башкарма хакимият органнары вәкилләренә бюджет проекты параметрларына, частьларның керемнәрен формалаштыруга һәм чыгымнарын юнәлтүгә кагылышлы сораулар бирә һәм тиешле Комментарийлар ала алдылар. Комиссия әгъзалары карар проектын хупларга һәм аны район Советының чираттагы утырышында карауга тәкъдим итәргә карар кылды.

          Утырышта муниципаль район Советы, башкарма комитеты, Финанс-бюджет һәм контроль-хисап палаталары җитәкчеләре катнашты.

Бүген район Советының утырышлар залында Татарстан Республикасы Сарман муниципаль районының Юл хәрәкәте иминлеген тәэмин итү комиссиясенең киңәйтелгән утырышы узды. Утырышны район башлыгы Фәрит Мөнәвир улы Хөснуллин алып барды.

28 нче октябрь көнне «Сарман гимназиясе» базасында башлангыч сыйныф укытучыларының «Башлангыч белем бирүнең заманча технологияләре. «Россия бөркетләре» программасы» узды. Анда безнең гимназия укытучылары да катнашты. 

Бүгеннән «Кояшкай» мәктәп яны лагере эшли башлады. Иртә гадәттәгечә зарядкадан башланды. Смена ачылу хөрмәтенә балалар отряд плакатлары ясадылар. Шулай ук 28 нче октябрьдә Бөтендөнья дзюдо көне һәм Халыкара анимация көне билгеләп үтелә! Балалар мультфильмнар төшерү турындагы фильм белән таныштылар һәм Җәлил спорт яшүсмерләр мәктәбендә күрсәтмә чыгышларда булдылар.

Җәлил гимназиясе укучылары, Бөтенроссия олимпиадасының республика һәм төбәк этабы призерлары, Галимов Муса, Аслямов Илназ, Кәлимуллина Гөлфия, Мамедов Рамал, Сәхабиев Камил Татнефть хәйрия фонды оештырган Сәләтле балалар слетында катнашып бүләкләр алдылар. Слет «АЛМЕТ» иҗтимагый үзәгендә узды. Слет программасына экскурсия, мастер-класслар, призерларны һәм җиңүчеләрне бүләкләү тантанасы кертелгән иде. Балаларыбызны котлыйбыз һәм аларга алга таба уңышлар телибез!