Муниципаль районнар Сарман муниципаль районы

"РИТЭК" һәм "ЛУКОЙЛ" X социаль һәм мәдәни проектлар конкурсында җиңүчеләрне бүләкләделәр

2019 елның 25 сентябре, чәршәмбе

24 сентябрьдә Казанда «РИТЭК» ҖЧҖ һәм «ЛУКОЙЛ» хәйрия фондының X социаль һәм мәдәни проектлары конкурсында җиңүчеләрне бүләкләү тантанасы узды. Конкурсның максаты - «ЛУКОЙЛ» ГАҖ хәйрия эшчәнлегенең нәтиҗәлелеген арттыру, нефть компаниясе үз эшчәнлеген алып бара торган территорияләрнең актуаль социаль проблемаларын хәл итүдә иҗтимагый оешмалар һәм халыкның инициативаларына ярдәм итү. Бүләкләү тантанасында Сарман муниципаль районы Башкарма комитеты җитәкчесенең социаль үсеш буенча урынбасары Индира Сәхипова җитәкчелегендә район делегациясе катнашты. "Рухият һәм мәдәният" номинациясендә «Яңа башкаруда Иске традицияләр»проекты җиңүче булды. Проектның авторы-Иске Кәшер авыл мәдәният йорты директоры Тәнзилә Акселмәрданова.

Сарман муниципаль районының Башкарма комитетының мәдәният бүлеге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Музей яңалыклары

Җиңү көне уңаеннан музей хезмәткәрләре «Алдынгылар» хәрәкәте белән берлектә тарихи, истәлекле урыннар буенча поход оештырдылар. Походның маршруты Сарман авылыннан Мортыштамак авылына кадәр сузылды. Әлеге вакыйга Сарман авылындагы Җиңү мемориалын караудан башланды,укучылар һәм оештыручылар Бөек Ватан сугышы геройларын искә алды. Бу вакыйга хәтер акты гына түгел, яшь буынга ата-бабаларының батырлыгы турында күбрәк белү мөмкинлеге дә булды. Аннары юл Даулы болын аша Мортыштамак авылы ягына дәвам итте. Мортыштамак авылы тарихы музеенда экскурсия үткәрелде. Поход кысаларында мөһим күнекмәләр буенча мастер-класс үткәрелде. Катнашучылар төеннәр бәйләргә, учак ягарга һәм киләчәктә кирәк булачак башка файдалы күнекмәләр белән танышты. Бу аларның белемнәрен баетып кына калмады, бердәмлек һәм команда рухы атмосферасын да тудырды. Катнашучылар тәэсирләре белән уртаклашты һәм тарихи хәтерне саклауның мөһимлеге турында фикер алышты. Бу чара буыннар арасындагы элемтәне ныгытып кына калмады, яшьләрне үз илләренең тарихын өйрәнергә дәртләндерде. Без мондый чаралар яшь буында үз иле һәм тарихы өчен горурлык хисе, шулай ук ветераннарга һәм аларның батырлыкларына тирән хөрмәт уята дип ышанабыз. Мортыш Тамак авылы мәдәният йорты хезмәткәрләренә, авыл җирлеге башлыгы Илдар Илгизәр улына һәм Мортыш Тамак авылы тарихы музееның фәнни хезмәткәре Миләүшә Таһриф кызына мавыктыргыч экскурсия өчен рәхмәт белдерәбез!

Яңа Имән авыл жирлегендэ бәйрәм алдыннан бүләкләр тапшырылды

«Сәламәтлек диктанты»

Татарстан Республикасы буенча Роспотребнадзор идарәсе «илнең санитария калканы – сәламәтлек өчен куркынычсызлык (кисәтү, ачыклау, җавап бирү)» федераль проектының «Санпросвет» коммуникация стратегиясен гамәлгә ашыру кысаларында 2026 елда 3 этаптан торган «сәламәтлек диктанты» Бөтенроссия махсус проектын үткәрү турында хәбәр итә, аларның икенчесе 2026 елның 4 маеннан 22 маена кадәр уза. Акция кысаларында катнашучыларга акциянең рәсми порталына (диктант-санпросвет.рф) күчәргә яки QR-кодны сканерларга һәм диктант сорауларына җавап бирергә кирәк. Диктантның һәр катнашучысына, сорауларга җаваплар кертелгәннән соң ук, диктантны узу нәтиҗәләре, җавапларга эксперт аңлатмалары белән танышу һәм сертификат булдыру мөмкинлеге биреләчәк.

Җәлил гимназиясендә «Җиңү тәрәзәләре " акциясе

Җиңү көне алдыннан "Җәлил гимназиясе"ндә традицион Җиңү тәрәзәләре акциясе старт алды. Укучылар һәм укытучылар, ветераннарның батырлыгына хөрмәт йөзеннән, бәйрәм кәефе тудырып, сыйныф һәм кабинетларның тәрәзәләрен энтузиазм белән бизиләр.

ЯҢАЛЫКЛАРГА ЯЗЫЛУ